Kiraŭnik Nacbanka Ukrainy Valeryja Hontarava zajaviła, što amierykanski finansist Džordž Soras zaniaŭsia pošukam srodkaŭ dla Ukrainy.
Pra heta jana skazała ŭ efiry «Pieršaha nacyjanalnaha».
«Ja čalec kamiteta reformaŭ, i my pišam — u mianie jość kamanda vałancioraŭ — «prahramu Maršała». Niadaŭna ja jaje prezientavała asabista spadaru Sorasa. U jaho jana vyklikaje cikavaść. My čakajem, što nam pad jaje daduć hrošy. Jon źbiraje sponsarskuju kanfierencyju, asabista jon», — zajaviła bankir.
Varta adznačyć, što ŭ kancy kastryčnika Soras apublikavaŭ kałonku ŭ časopisie New York Review of Books, u jakoj zaklikaŭ MVF pavialičyć pamier dapamohi dla Ukrainy. Pavodle jaho acenak, Ukrainie treba 20 miljardaŭ dalaraŭ.
Soras — adzin z samych bahatych ludziej u śviecie. Jaho majomaść, pa acency Bloomberg, składaje 26,1 miljarda dalaraŭ.
