U Biełarusi pryniata rašeńnie pra pieranos pracoŭnych dzion u 2015 hodzie.
Takoje rašeńnie źmiaščajecca ŭ pastanovie Savieta Ministraŭ ad 10 listapada 2014 h №1060, paviedamili ŭ pres-słužbie ŭrada.
Nahadajem pry hetym, što ŭ śniežni pracoŭny dzień 26 śniežnia, piatnica, pieranosicca na 20 śniežnia, subotu.
Takim čynam u śniežni my budziem adpačyvać 4 dni zapar - 25, 26, 27, 28 śniežnia.
Pracoŭnyja dni ŭ 2015 h. pieranosiacca nastupnym čynam: ź piatnicy 2 studzienia na subotu 10 studzienia.
Takim čynam, biełarusy buduć adpačyvać čatyry dni zapar — 1, 2, 3, 4 studzienia. 5 i 6 studzienia — pracoŭnyja dni, a zatym znoŭ vychadny — 7 studzienia.
Akramia taho, pracoŭny dzień z paniadziełka 20 krasavika (Radaŭnica — 21 krasavika, aŭtorak) pieranosicca na subotu 25 krasavika.
Arhanizacyjam dadziena prava z ulikam śpiecyfiki vytvorčaści (raboty) ažyćciaŭlać pieranos pracoŭnych dzion u inšym paradku ŭ adpaviednaści z zakanadaŭstvam.
