Hramadskaja arhanizacyja «SMS» pačała zbor podpisaŭ za pierajmienavańnie vulicy Saka i Vanceci ŭ rasijskim Jekaciarynburhu ŭ vulicu Uładzimira Pucina, piša znak.com.
Aŭtary nahadvajuć, što vulica Saka i Vanceci nazvanaja ŭ honar italjanskich anarchistaŭ, asudžanych za rabavańnie i zabojstva ŭ ZŠA. «Nijakaha dačynieńnia da Jekaciarynburha ci Rasii dva hetyja čałavieki nie majuć. Vulica nazvanaja tak u vyniku prapahandysckaj kampanii 1930-ch», — nahadvajuć aŭtary idei.
Viarnucca da staroj nazvy vulicy — Usolcaŭskaja — jany nie chočuć: jana była nazvanaja ŭ honar čynoŭnika Usolcava, čyj dom staŭ aryjenciram. Zamiest hetaha vulicu prapanujecca nazvać imiem Pucina,
bo jon «zmoh vyratavać krainu ad raspadu ŭ kancy 90-ch hadoŭ, zdoleŭ spynić bandycki i aliharchičny razhuł, pavialičyŭ terytoryju krainy, adnaviŭ vajenna-pramysłovy patencyjał i, u cełym, viarnuŭ ludziam honar za svaju radzimu».
«My ličym, što zasłuhi Uładzimira Pucina zasłuhoŭvajuć pierajmienavańnia adnoj z centralnych vulic Jekaciarynburha ŭ jaho honar», - havorycca ŭ zvarocie.
Praśpiekt Uładzimira Pucina zaraz isnuje ŭ stalicy Čačni — Hroznym