Žanr: fantastyka, pryhody, drama
Režysior: Krystafier Nołan
U rolach: Mećju Makkonachi, En Cheteŭej, Džesika Čestajn, Majkł Kiejn, Ues Bientli, Makienzi Foj, Elijes Habieł, Kiejsi Aflek, Tofier Hrejs, Met Dejman
ZŠA, Vialikabrytanija, 169 chv.
Niedalokaja budučynia. Były piłot NASA Kupier asieŭ na rodnaj fiermie i zajmajecca vyroščvańniem kukuruzy, bo na Ziamli panujuć pylevyja bury, isnuje pahroza hoładu.
Čałaviectva pieriestała zajmacca daśledavańniem kosmasu i kłapocicca tolki pra svajo vyžyvańnie. NASA pracuje padpolna, prafiesar Brand vieryć, što ratunak možna znajści tolki na inšych płanietach. Kupieru prapanujuć piłatavać kaśmičny karabiel, jaki kirujecca skroź kratavinu, što źjaviłasia niedaloka ad Saturna, uśled za mužnymi navukoŭcami. Jany ŭ adzinocie vypravilisia ŭ daloki kosmas, kab znajści niekalki płaniet, prydatnych dla pierasialeńnia. Kupier z kamandaj pavinien znajści najlepšy varyjant, kab vyratavać svaich dziaciej i ŭsio čałaviectva.
Novy film Krystafiera Nołana (tryłohija pra Betmiena (2005, 2008, 2012), «Pačatak» (2010)) pryśviečany papularnym ciapier temam: padarožžam praz prastoru i čas z dapamohaj kratavin, fienomienu čornych dzirak i vyžyvańniu čałaviectva ŭ ekstremalnych abstavinach.
Kali stychijnyja navały — reč choć i strašnaja, ale znajomaja, to prymianieńnie adkryćciaŭ kvantavaj fiziki ŭ dalokim kosmasie — pytańnie pakul tearetyčnaje. Aŭtar fabuły filma - fizik-tearetyk Kip Torn, jaho namahańniami stužka nabyvaje navukovuju dakładnaść: praces vizualizacyi čornaj dzirki navat padšturchnuŭ navukoŭca da novych idejaŭ. U mocnym, zachaplalnym siužecie chapaje i asabistaj čałaviečaj dramy: kožny z hierojaŭ maje svaju historyju, svaje matyvy i pamknieńni.
Praciahłaść filma całkam abhruntavanaja — sumna nie budzie.
Čytaj taksama: «Interstełar»: antynavukovaja kazka pra navuku, jakuju varta pakazać biełaruskaj Pałacie pradstaŭnikoŭ
