Bolš za ŭsio padaraželi: aharodnina — na 32,5%; jajki — na 2,4%; syry — na 1,9%; kaŭbasnyja vyraby i vendžanina — na 1,5%; makaronnyja vyraby — na 1,2%.
Na šerah praduktaŭ ceny źnizilisia. Na masła žyviolnaje — na 0,02%, na cukar — 0,1%, bulbu — na 4,4%, sadavinu — na 5,1%.
Ceny na niecharčovyja tavary ŭ kastryčniku ŭ paraŭnańni ź vieraśniem vyraśli na 0,9%, z pačatku hoda — na 7,1%. Bolš za ŭsio padaraželi ŭ kastryčniku: bienzin — na 5%; miedykamienty — na 2,9%; piśmovyja pryłady — na 1%.
Źnizilisia na 0,2% ceny na bytavyja elektraprybory, viełasipiedy i matacykły.
Płatnyja pasłuhi nasielnictvu ŭ kastryčniku ŭ paraŭnańni ź vieraśniem padaraželi na 2,5%, z pačatku hoda — na 22,6%. Bolš za ŭsio ceny vyraśli na žyllova-kamunalnyja pasłuhi — na 7,2%, u tym liku na elektrazabieśpiačeńnie — na 11%, hazazabieśpiačeńnie — na 8,1%, vodazabieśpiačeńnie — na 4,8%, techabsłuhoŭvańnie žyłych pamiaškańniaŭ — na 9,4%. Padaraželi pasłuhi suviazi na 1,9%, miedycynskija i turystyčnyja pasłuhi — na 1,8%, pasłuhi kancertnych arhanizacyj — na 1,4%, bytavyja — na 1,3%.
Źnizilisia na 3,5% ceny na avijabilety. Čyhunačnyja pasažyrskija pieravozki patańnieli na 9,4%, sanatorna-azdaraŭlenčyja pasłuhi — na 0,04%.
