U pačatku listapada ŭ milicyju źviarnułasia 23-hadovaja žycharka stalicy: natrapiła na machlara. Dziaŭčyna patłumačyła, što ŭ abviestkach u internecie vybrała sabie mabilnik dla pakupki.
Skantaktavałasia z pradaŭcom i pieraviała na jaho rachunak krychu bolš za 5 miljonaŭ rubloŭ. Mabilnik paabiacali pieradać z kiroŭcam maršrutki. Adnak u pasyłcy akazaŭsia nie darahi telefon, a kamień.
«U vyniku kompleksu apieratyŭna-vyšukovych i inšych mierapryjemstvaŭ supracoŭnikami Zavodskaha RUUS Minska ŭ ščylnym uzajemadziejańni z supracoŭnikami Navapołackaha HAUS ustanoŭlena, što złačynstva ździejśniŭ 17-hadovy student z Navapołacka», — paviedamili va USK pa Viciebskaj vobłaści.
Chłopca padazrajuć u machlarstvie. Śledčyja praviarajuć jaho mahčymuju datyčnaść da inšych padobnych spraŭ.