Padčas pieradziełu mapy Jeŭropy paśla Pieršaj suśvietnaj vajny biełaruskija ziemli apynulisia ŭ śfiery intaresaŭ susiednich dziaržavaŭ, a najbolš upłyvovyja krainy nie razhladali Biełaruś u jakaści samastojnaha subjektu mižnarodnaj palityki. U takich vielmi niespryjalnych źniešniepalityčnych umovach pryjšłosia budavać svaju krainu čatyrom ŭradam BNR ŭ 1918-1920 hh. Ź pieršaha dnia dekłaracyi Biełaruskaj Narodnaj Respubliki 25 sakavika 1918 hoda samaj hałoŭnaj zadačaj dla jaje stvaralnikaŭ było damahčysia pryznańnia jaje niezaležnaści na mižnarodnaj arenie, zrešty, nie mienšaj, čym pryznańnie ŭradu BNR unutry krainy.
Ci mahli ŭrady BNR raźličvać na mižnarodnaje pryznańnie i padtrymku susiednich krain? Jakija zachady rabilisia, kab zdabyć pryznańnie mižnarodnaj supolnaści de facto i de jure? Jakija krainy i ŭ jakoj formie akazali padtrymku BNR? Ci byli ŭ BNR šancy realizavacca jak samastojnaj dziaržavie ŭ tahačasnaj źniešniepalityčnaj situacyi? Jakuju palityku pravodziŭ kožny z čatyroch uradaŭ BNR i jakija pośpiechi j parazy mieli miesca ŭ ich dziejnaści? Jakuju rolu adyhrali razroźnienaść i ŭnutranyja kanflikty ŭ nacyjanalnym biełaruskim ruchu?
Jakija vyniki dziejnaści čatyroch uradaŭ BNR ŭ 1918-1920 hh. byli stanoŭčymi dla dalejšaha raźvićcia Biełarusi razvažaje polski historyk Darota Michaluk.
Lekcyja Daroty Michaluk «Čatyry ŭrady BNR u 1918-1920 hh.» adbudziecca 13 listapada a 18.30 u halerei «Ŭ» (pr. Niezaležnaści 37a)
* * *
Darota Michaluk – doktar habilitavany Univiersiteta Mikałaja Kapiernika ŭ Toruni, redaktar časopisa «Białoruskie Zeszyty Historyczne», aŭtar knihi «Biełaruskaja Narodnaja Respublika 1918–1920. La vytokaŭ biełaruskaj dziaržaŭnaści».
Čytajcie taksama:
BNR: tre' było mienš svarycca. Hutarka z historykam Darotaj Michaluk
