Avaryja adbyłasia kala 3 hadzin unačy 10 listapada. Sitroen Xantia ŭ Navapołacku na darozie ŭ bok zavoda «Palimir» vyskačyŭ na sustrečnuju pałasu i ŭjechaŭ u bietonny słup. Zahinuli 27-hadovy kiroŭca i abodva pasažyry — 23 i 24 hadoŭ.
«Ustanoŭlena, što kiroŭca Citroen pieravysiŭ chutkaść, ab čym śviedčyć detalovy ahlad miechaničnaha śpidomietra aŭtamabila — strełka ŭ momant sutyknieńnia znachodziłasia na adznacy 160 km/h.» — adznačyli va ŭpraŭleńni Śledčaha kamiteta pa Viciebskaj vobłaści.
Ekśpiertyza ž vyjaviła ŭ kryvi kiroŭcy 2,7 pramile ałkaholu (mocnaja stupień apjanieńnia).
Pa fakcie DTZ zaviedziena kryminalnaja sprava pa č. 3 art. 317 KK (parušeńnie praviłaŭ darožnaha ruchu, što paciahnuła pa nieaściarožnaści śmierć troch asob).