Užo siońnia startujuć kursy Paŭła Sieviarynca «Kursy Dy-džejaŭ Adradžeńnia». 12 dvuchhadzinnych zaniatkaŭ štotydnia, jakija buduć prachodzić pa aŭtorkach.
Prahrama raźličana dla moładzi, jakaja choča i moža dapamahčy Biełarusi cieraz pracu ŭ jaje kultury.
Pavieł kaža pra svaje kursy cytataj ź Biblii: «Žnivo vialikaje dy pracaŭnikoŭ mała». U Biełarusi na kulturnaj hlebie pracy chopić usim. My ŭ svaju čarhu padrychtujem sapraŭdny «duchoŭny śpiecnaz» dla hetaha. Hetyja kursy buduć biełaruskimi pa formie i chryścianskimi pa źmieście».
Udzielnikaŭ navučać arhanizoŭvać i pravodzić kulturnickija mierapryjemstvy, raspaviaduć pra asablivaści i pracu ź internietam, radyjo i telebačańniem.
Pavieł raźličvaje na toje, što na pieršym zaniatku zała budzie poŭnaja. Asnoŭnym lektaram budzie sam Sieviaryniec, na dapamohu jamu buduć prychodzić śpiecyjalisty ŭ śfiery infarmacyjnaj biaśpieki dy TB.
U vyniku zaniatkaŭ udzielnikaŭ kursaŭ čakaje «vysadka ŭ hłybincy», dzie pryjdziecca padrychtavać imprezu ŭsiaho za adzin dzień.
Za ŭsiu historyju kursaŭ z 1999 h. (dzieviać vypuskaŭ) było padrychtavana kala 100 śpiecyjalistaŭ «biełaruskaha duchoŭnaha śpiecnaza», jakija składajuć «Orden Dy-džejaŭ Adradžeńnia». Siarod ich — kiraŭniki Maładoha Frontu Nasta Pałažanka i Źmicier Chviedaruk, lidary «Maładoj Biełarusi» Artur Fińkievič i «Alternatyvy» Aleh Korban, pieramožca mižnarodnaj alimpijady pa historyi Siaržuk Vasiljeŭ, adzin z kiraŭnikoŭ BCHD Dzianis Sadoŭski, pres-sakratar BAŽ Barys Harecki, čempijon Biełarusi ŭ pažarnym sporcie Mikałaj Tamaševič, hramadskija aktyvisty Andrej Kim, Alona Vałyniec, Iryna Hubskaja, Kiryła Šyk, žurnalisty Kastuś Šytal, Vital Zybluk, Aksana Rudovič.
Kursy buduć prachodzić z 11 listapada — kožny aŭtorak, 18.00.
Adras — Minsk, Čarnyšeŭskaha, 3. Telefon — 8-029-516-08-61 (Pavieł).
Kursy biaspłatnyja.