Alaksandr Łukašenka pavinšavaŭ biełarusaŭ z Dniom Kastryčnickaj revalucyi, jaki śviatkujecca 7 listapada.

«Niesumnienna, što padziei kastryčnika 1917 hoda źmianili los vialikaj krainy i stvaryli ŭmovy dla nacyjanalnaha adradžeńnia narodaŭ, jakija jaje nasialali, a taksama dla realizacyi prava nacyj na samavyznačeńnie», — havorycca ŭ vinšavańni.

Hieraičny letapis bajavych pieramoh i pracoŭnych ździajśnieńniaŭ u hady savieckaj ułady sapraŭdy biesprecedentny.

Brackija narody Savieckaha Sajuza razam stvarali mahutnuju ekanomiku, navuku, kulturu. Biełaruś nie tolki zachavała, ale i prymnožyła hety patencyjał, vybraŭšy ŭłasny šlach raźvićcia. Ułaścivyja našamu hramadstvu mir, stabilnaść i zhoda — zakanamierny vynik taho, što my nie adchilili sacyjalnyja zavajovy Vialikaha Kastryčnika, nie zdradzili ideałam raŭnapraŭja, spraviadlivaści i bieskaryślivaha słužeńnia ludziam.

My adny ź niamnohich na postsavieckaj prastory, chto addaje daninu pavahi hetaj histaryčnaj dacie. Biełarusy nie admaŭlajucca ad ułasnaha minułaha, ale i nie chočuć pastupacca suvierennym pravam samastojna vyznačać svaju budučyniu.

Ščyra žadaju vam, darahija suajčyńniki, mocnaha zdaroŭja, aptymizmu, upeŭnienaści ŭ svaich siłach i novych dasiahnieńniaŭ na karyść našaj Radzimy».

***

Dzień 7 Listapada śviatkujecca tolki ŭ Biełarusi, Kyrhyzstanie i niepryznanym Prydniastroŭi.

Клас
0
Панылы сорам
0
Ха-ха
0
Ого
0
Сумна
0
Абуральна
0