Jak śviedčyć analiz karty resursu meteoinfo.by, na mieteastancyi «Paleskaja» ŭ Bresckaj vobłaści pavietra prahrełasia da 19 hradusaŭ ciapła.
Raniejšy rekord składaŭ 16,7 hradusa (5 listapada 1996 hoda ŭ Lelčycach, Homielskaja vobłaść). Na samoj «Paleskaj» raniejšy maksimum byŭ roŭny 16,1 hradusa (zafiksavany taksama 18 hadoŭ tamu).
Druhoje miesca zaniaŭ Pinsk (Bresckaja vobłaść) — 18,5 (było 16,5 u 1996 hodzie). Abnavilisia rekordy ŭ dvuch abłasnych centrach: Breście — 17,5 (16,5 u 1996 hodzie) i Hrodnie — 15,4 (14,6 u 1960 hodzie).
6 listapada ciopłaje nadvorje zachavajecca, tamu buduć fiksavacca novyja rekordy ciapła. Varta adznačyć, što jašče paŭtara tydnia tamu ŭ krainie rehistravalisia novyja rekordy choładu.
