Alaksandr Łukašenka ŭ bližejšy čas maje namier pravieści šerah narad pa najbolš prablemnych pytańniach raźvićcia krainy. Ab hetym jon zajaviŭ siońnia na naradzie ŭ Mahiloŭskaj vobłaści.

U pryvatnaści, u chutkim časie adbudziecca spravazdača ŭrada i razhlad prahnozu sacyjalna-ekanamičnaha raźvićcia i biudžetu na budučy hod.

U bližejšy čas taksama daść spravazdaču kiraŭnik Hrodzienskaj vobłaści ab situacyi ŭ rehijonie. «Ja pavinien zrabić, pierš za ŭsio, dla siabie vysnovu, nakolki pravilnym byŭ vybar», - skazaŭ Łukašenka.

Akramia taho, na bazie Viciebskaj vobłaści adbudziecca narada, pryśviečanaja pytańniam raboty ahrarnaha siektara.

Alaksandr Łukašenka nahadaŭ, što dla razhladu prablem u hetaj śfiery była stvorana śpiecyjalnaja rabočaja hrupa. «Mnie abiacali, što ŭ vyniku hetych rašeńniaŭ sielskaja haspadarka budzie raźvivacca siamimilnymi krokami. Ja śpiecyjalna zrabiŭ paŭzu, kab pahladzieć, nakolki ž buduć apraŭdany i sumlennyja tyja zajavy hrupy, - skazaŭ jon. - Zaviaršyŭsia hod, hod niadrenny, i ŭ kancy jaho my, napeŭna, jašče raz źbiaromsia i pahladzim, nakolki ŭ nas talenavitaja kamanda ŭ sielskaj haspadarcy, nakolki dakładna jany ŭłavili niehatyŭnyja tendencyi i ci pravilna prapanavali pryniać rašeńni pa asobnych pytańniach».

Jašče adna śfiera, na jakuju Łukašenka maje namier źviarnuć uvahu, — ŽKH. «Hrupa adpracavała hetyja pytańni, i ciapier ja čakaju, jak ŭstaraniajucca skrytyja niedachopy. Zimoj na hetu temu pahavarym», — adznačyŭ kiraŭnik dziaržavy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?