fota z Twitter Biełhidramieta
Z samaj ranicy va ŭsim Minsku pachnie dymam. Pra heta paviedamlajuć karystalniki ŭ sacyjalnych sietkach. Pachnie ŭ Malinaŭcy, Kurasoŭščynie, na Paŭdniovym Zachadzie, Kamiennaj Horcy, u Sierabrancy, Łošycy, Čyžoŭcy, u centry horada (płošča Niezaležnaści, płošča Pieramohi) u rajonie płoščy Banhałor. Anałahičnaja situacyja — u Viciebsku, Salihorsku, Maładziečnie, Słucku, Vałožynie, Zasłaŭi, Baraŭlanach, paviedamili čytačy «Našaj Nivy».
U svaim Twitter MNS piša, što pryčynaj moža być smoh.
«Ni ŭ Minsku, ni ŭ Minskim rajonie ničoha nie haryć / nie hareła. Mahčymaja pryčyna smohu (sa słoŭ ekołahaŭ) — poŭnaja adsutnaść vietru za sutki», napisana ŭ dopisie a 8-j ranicy.
Twitter Biełhidramieta piša, što bačnaść u Minsku pahoršała z-za dymu. Heta nie tuman — vilhotnaść usiaho 70%. I pachnie dymam, piša Twitter Biełhidramieta.
Smoh niasie pahrozu astmatykam i alerhikam. Im možna rekamiendavać zastavacca doma i nie adkryvać akon.
Smoh tłumačycca mietearałahičnaj źjavaj — tempieraturnaj inviersijaj.
Inviersija tempieratury pieraškadžaje viertykalnym pierasoŭvańniam pavietra i spryjaje ŭtvareńniu tumanu, smohu, abłokaŭ, miražoŭ. Chałodnaje pavietra moža spuskacca ŭniz i nazapašvacca, a nad chałodnym płastom tam budzie bolš ciopłaje pavietra, jakoje ŭtvaraje vobłaka abo lohki tuman. Kali inviersija prajaŭlajecca ŭ vialikich maštabach, pył i brud (smoh), što ŭzdymajucca ŭ atmaśfieru, zastajucca tam i nazapašvajucca.
