Siabra PKB u Baranavičach vyjhraŭ sud u ŽREU, prymusiŭšy toje prybirać jaho padjezd.

Baranavicki siabra Partyi kamunistaŭ biełaruskaj Viktar Ciapin, razam ź jašče dvuma žycharami svajho domu pa vulicy Kamsamolskaj № 9, jašče ŭ vieraśni napisaŭ skarhu ŭ baranavickaje «Žyllovaje ramontna‑ekspłuacyjnaje ŭpraŭleńnie». U joj było zaznačana, što, zhodna z Instrukcyjaj pra paradak apłaty nasielnictvam žyllova‑kamunalnych pasłuhaŭ, ŽREU musić prybirać leśvičnyja kletki. Ale ŭ ich domie takoj pasłuhi kamunalščyki nikoli nie vykonvali.

Napačatku na ich zvarot ŽREU nijak nie adreahavaŭ. Tady žychary domu pa Kamsamolskaj, 9 źviarnulisia ŭ baranavickuju prakuraturu. Tam vyśvietliłasia, što kamunalščyki dasłali ŭ termin adkaz prostymi listami kožnamu, chto padpisaŭsia pad skarhaj, ale tyja čaroŭnym čynam nie dajšli da adrasataŭ. Novyja adkazy byli dasłanyja zakaznymi listami.

U ich paviedamlałasia, što žychary svaimi apłatami kampensujuć kamunalnyja vydatki tolki na 41%. Reštu musić kampensavać haradzki biudžet. Ale horad vypłočvaje taksama tolki prykładna 41% ad patrebnaha. Biudžet horadu farmujecca ŭ Bieraści, tamu bolš hrošaj miascovyja ŭłady vydatkavać nia mohuć. Vynikaje, što ŽREU nia maje mahčymaści prybirać padjezdy praź niedachop srodkaŭ.

Ciapin, razam ź inšymi žycharami domu, nie pahadziŭsia z takim adkazam i nakiravaŭ skarhu ŭ sud. Maŭlaŭ, ich finansavyja mažlivaści kamunalščyki nia ŭličvajuć i za nieapłatu ci niedapłatu adrazu ž karajuć pieniaju. Čamu ž tady žychary musiać ličycca z prablemami ŽREU?

25 kastryčnika sud pryznaŭ praŭdu za žycharami domu pa Kamsamolskaj, 9 i pastanaviŭ prybirać padjezdy istcoŭ. Akramia taho, ŽREU musić vypłacić pa 20000 rubloŭ kampensacyi maralnaj škody kožnamu ź istcoŭ.

Ale ciapier u Baranavičach prybirajuć tolki padjezdy zhadanaj kamianicy pa vulicy Kamsamolskaj. Viktar Ciapin źbirajecca źviartacca ŭ prakuraturu, kab taja prakantralavała vykanańnie kamunalščykami zakonu pa ŭsim horadzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?