Kanhresmen Ełsi Hejstynhs (Alcee Hastings), staršynia Chelsynskaj kamisii ZŠA, vystupiŭ z zajavaj u suviazi z žorstkim źbićciom 19‑hadovaha Źmitra Chviedaruka padčas mirnaj demanstracyi ŭ Miensku 12 śniežnia. Chviedaruk byŭ źbity AMONam da nieprytomnaści.


Alcee Hastings

«Žorstkaje źbićcio Źmitra Chviedaruka adnačasna aburalnaje i trahičnaje. Na minułym tydni jon vystupaŭ na pasiedžańni Chelsynskaj kamisii ŭ Vašynhtonie, dzie raskazvaŭ pra niebiaśpieku, ź jakoj sutykajucca aktyvisty moładzievaha ruchu ŭ Biełarusi. Ja nia tolki padtrymlivaju zmahańnie Z.Chviedaruka za svabodu, ale i asudžaju samym rašučym čynam akty žorstkaści suprać nievinavatych hramadzianaŭ.

Zmročnaja sytuacyja z pravami čałavieka ŭ Biełarusi — ni dla koha nie sakret. Na žal, zapałochvańniam i złoŭžyvańniam režymu A.Łukašenki nie vidać kanca. My z kalehami ŭ Chelsynskaj kamisii rašuča padtrymlivajem Z.Chviedaruka i ŭsich u Biełarusi — maładych i starych — chto zmahajecca za svabodu, demakratyju i pravy čałavieka», — adznačaje ŭ svajoj zajavie kanhresmen Ełsi Hejstynhs.

4 śniežnia sioleta Źmicier Chviedaruk vystupaŭ sa śviedčańniami ŭ Chelsynskaj kamisii na bryfinhu pad nazvaj «Budučynia Biełarusi: demakratyja abo dyktatura?».

Radyjo Svaboda

Клас
0
Панылы сорам
0
Ха-ха
0
Ого
0
Сумна
0
Абуральна
0