Ideja sučasnaha dyrektara Biełaruśfilmu Zamiatalina b tym, što naš kiniematohraf možna vyciahnuć za košt pavyšeńnia koštaŭ biletaŭ na amierykanskija filmy ŭ kinateatrach, hučyć afihienna. Prosta vau, jak vyhladać scena zdymak čarhovaha partyzanskaha błakbaściera ŭ vypadku paśpiachovaj realizacyi zamiatialinskaj dumki.

Asistentka: Film "Partyzanskaja stabilnaść". Scena ŭručeńnia čyrvonaha znamieni partyzanskaj bryhadzie. Dubl 25.

Režysior: Kamiera! Mator. Pačali. Pamieła pajšła. Padychodziš da čyrvonaha znamieni. Padaješ na kaleni. Całuješ źniamia. Stop, Andersan. Ty ž całuješ źniamia, a nie Borata. Darečy Vy, Borat, abo jak vas tam Saša Koen. Vy ž ŭvasablaje dušu kampanii, humarysta-adesita. Dzie vaš, prabačcie, harmonik?

Kali łaska, Pamieła, paviarniciesia na startavuju pazicyju. Tak dalej. Vy, Džon Dep, što ŭ vas, prabačcie, za fizijanomija? Vy ž hulajecie nie karybskaha pirata, a pravadyra kamsamolskaj jačejki. Nu, stvarycie bolš surjozny vyhlad. Vašu minu pabačyć kožny biełaruski škalar, jakoha zahoniać u ramkach raźniariadcy hladzieć hety film.

Nastupny Denreł Redklif. Nie sutulciesz, Denfił. Vy ž pijanier, syn pałku, jakomu naprykancy filma treba budzie ŭzarvać siabie razam z prorvaj fašystaŭ.

Narešcie, Rouen Etkinsan, pamiatajcie, što Vy hulajecie biełaruskaha kałabrycyjanista, palicaja. Bolš, kali łaska, idyjockich užymak.

OK. Usio usie na pačatkovyja kropki. Pačynajem. Apieratar, hatovy?

Asistentka: Film "Partyzanskaja stabilnaść". Scena ŭručeńnia čyrvonaha znamieni partyzanskaj bryhadzie. Dubl 26.

Režysior: Kamiera. Mator. Pamieła, pajšła.

U kadr zabiahaje Zamiataliin.

Režysior: jo……-ny babaj. Što za dupa?

Zamiatalin niešta kaža režysioru.

Režysior: Tak, spadary aktory, mianiajem rakurs. Entoni Chopkins, jaki hraje staroha partyzana časoŭ polskaj vajny, trochi ŭprava. Šon Konneri – koniuch partyzanskaha atradu, naleva. Studyja maje stolki hrošaŭ, dziakujučy pavyšeńniu koštaŭ na bilety na amierykanskija filmy, što možam dazvolić supier kamputarny effiekt: vyrašana ustavić u šerahi partyzan animacyjny vobraz miliardera Krudža Mak Daka i Ponačku.

Paśla taho jak Pamieła pacałuje źniamia, Krudž budzie kazać: ach, Ponačka, jakija cudoŭnyja inviestacyjny klimat u hetaj partyzanskaj zonie. Kali jany pieramožuć, paśla vajny, ja abaviazkova ŭkładu svaje baksy ŭ ralizacyju prahramy raźvićcia małych haradoŭ.

Asistentka: Film "Partyzanskaja stabilnaść". Scena ŭručeńnia čyrvonaha znamieni partyzanskaj bryhadzie. Dubl 27.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?