Viertykalščyki imknulisia bližej paznajomicca z maładymi apazicyjanierami, cikavilisia ich metami i miescam dalejšaha navučańnia. Padčas hutarki byŭ zakranuty samy šyroki śpiektr tem, pačynajučy ad bulbianoha piure i skončajučy palitviaźniami, paviedamiła pres‑słužba «Maładoha Frontu».

Maładafrontaŭski bok na sustrečy pradstaŭlali braty Ivan i Illa Šyły, Chryścina Samojłava, Ryhor Astapienia i Andruś Tyčyna, a taksama ich baćki. Uładu pradstaŭlali načalnik adździeła pa pracy z moładździu pa Minskaj vobłaści, druhi sakratar BRSM pa Minskaj vobłaści, načalniki adździełaŭ adukacyi i ideałohii Salihorskaha rajvykankamu, načalnik adździeła pa pracy z moładździu Salihorskaha rajvykankamu, adkaznaja pa pracy z moładździu pa Salihorskim rajonie, inśpiektar milicyi pa spravach niepaŭnahadovych Salihorskaha RAUS major R. Traceŭski, a taksama dyrektary, sacyjalnyja piedahohi i kłasnyja kiraŭniki tych škoł, dzie navučajucca maładziony. Sustreča adbyvałasia ŭ Salihorskaj SŠ №4.

Pa słovach Ivana Šyły razmova ciahnułasia paŭtary hadziny:

‑ Nie skažu, što heta byŭ niejki kanstruktyŭny dyjałoh. Pradstaŭniki abłasnoj ułady, jak jany sami zajavili, žadali tolki paznajomicca. Cikavilisia metami našaj dziejnaści, płanami adnosna dalejšaha navučańnia i pastupleńnia paśla škoły. Žadańnia pieravychavać nas u ich nie było, ale i zrazumieć nas jany asabliva nie imknulisia. Śćviardžali, što naša dziejnaść niezakonnaja, i pytalisia, ci my pra heta viedajem. Pytańni ab supraćpraŭnaj dziejnaści ź ich boku zastavalisia biez adkazu. Skazali, što pryjechali nie pa zahadzie, a z ułasnaje inicyjatyvy. Pryjechali ŭ Salihorsk, bo paličyli našuju strukturu adnoj z najbolš aktyŭnych.

Pradstaŭnik demsiłaŭ Salihorsku Alaksiej Vałabujeŭ tak prakamientavaŭ hetuju sustreču:

‑ Nakolki mnie viadoma heta sustreča nie była padobnaja da dyjałohu. Chutčej byŭ niečy zahad zrabić vyhlad dyjałohu, bo anijakich kankretnych prapanoŭ ni z adnaho boku ni z druhoha nie było. Heta nie byŭ kruhły stoł siarod roŭnych pa abmierkavańni vyznačanych prablemnych pytańniaŭ. Tym nie mienš taki vizit, biezumoŭna, teba razhladać jak stanoŭčy faktar. Vidavočna, što ŭłady pryznajuć vialiki ŭpłyŭ maładafrontaŭcaŭ na hramadstva i nie mohuć hety ŭpłyŭ siłavymi srodkami. Paharšeńnie ekanamičnaha stanu ŭ krainie prymušaje ŭłady šukać vyjście, tamu treba čakać i nastupnych krokaŭ.

Radyjo Racyja

Клас
0
Панылы сорам
0
Ха-ха
0
Ого
0
Сумна
0
Абуральна
0