Kamanda studentaŭ fakulteta prykładnoj matematyki i infarmatyki Biełaruskaha dziaržaŭnaha ŭniviersiteta ŭ składzie Mikity Lesnikava, Paŭła Iržaŭskaha i Uładzimira Kierusa — adzinaja ź biełaruskich kamandaŭ — vyjšła ŭ finał čempijanatu śvietu pa prahramavańniu.

Paŭfinalnyja spabornictvy prajšli ŭ Sankt‑Pieciarburhu z udziełam 198 kamandaŭ VNU. Ad našaj krainy vystupali studenty BDU, BDUIR, Homielskaha dziaržaŭnaha i Mazyrskaha dziaržaŭnaha piedahahičnaha ŭniviersitetaŭ. Pavodle praviłaŭ spabornictvaŭ, kožnaja kamanda z troch studentaŭ za 5 hadzin pavinna rašyć jak maha bolšuju kolkaść zadač (usiaho prapanujecca ad 8 da 12 zadač). Dla rašeńnia zadačy kamandzie nieabchodna raspracavać matematyčnuju madel, prydumać ałharytm, zaprahramavać jaho i pravieryć na ŭsich dastupnych naborach danych. Pryčym dla realizacyi svaich prahram kamandzie pradastaŭlajecca ŭsiaho adzin kampjutar, tamu try čałavieki pavinny pracavać jak zładžany kalektyŭ. A pravierka rašeńniaŭ ažyćciaŭlajecca aŭtamatyzavanaj sistemaj na raspracavanych kampietentnym žury naborach danych, kolkaść jakich dachodzić da sotni.

Kamandnyja studenckija spabornictvy pa prahramavanni majuć vysoki status i vyklikajuć vialiki intares siarod studentaŭ usiaho śvietu, jakija śpiecyjalizujucca ŭ halinie infarmacyjnych technałohij. Tak, u čempijanacie śvietu 2007 hoda ŭziali ŭdzieł 6099 kamandaŭ, jakija pradstaŭlajuć 1756 univiersitetaŭ z 82 krain. Finał spabornictvaŭ projdzie ŭ krasaviku 2008 hoda ŭ kanadskim horadzie Albierta. Biełaruś u finale buduć pradstaŭlać studenty Biełaruskaha dziaržaŭnaha ŭniviersiteta.

Nadzieja Nikałajeva, «Źviazda»

Клас
0
Панылы сорам
0
Ха-ха
0
Ого
0
Сумна
0
Абуральна
0