Łarysa Hienijuš

U reabilitacyi biełaruskaj paetcy było admoŭlena. Hieneralny prakuror, jaki razhledzieŭ pradstaŭleńnie pra reabilitacyju Łarysy Hienijuš, spasyłajecca na toje, što jon nie nadzieleny pravam apratestavańnia pastanovaŭ Prezydyjumu Viarchoŭnaha Sudu Respubliki Biełarusi. Mienavita takoj pastanovaj ad 24 listapada 1999 hodu Łarysa Hienijuš pryznanaja nie padlehłaj reabilitacyi.

Nahadajem, što pradstaŭleńnie pra reabilitacyju było nakiravana na imia hieneralnaha prakurora 1 listapada. Jaho inicyjatarami vystupili Arhkamitet pa ŭviekaviečańni pamiaci achviaraŭ stalinskich represij, Sajuz biełaruskich piśmieńnikaŭ i Biełaruski Chelsynski kamitet. Pradstaŭleńnie było padpisana bolš jak 70 viadomymi hramadzianami našaj krainy, siarod jakich Nił Hilevič, Aleś Paškievič, Ihar Kuźniacoŭ, Hary Pahaniajła i inš.

Pavodle słovaŭ pravaabaroncy Hary Pahaniajły,

«dziejnaje ŭ Biełarusi zakanadaŭstva nie dazvalaje prynieści pratest na pastanovu Prezydyjumu Viarchoŭnaha Sudu. Dla pravaabaroncaŭ jasna, što Viarchoŭny Sud pryniaŭ palityčna matyvavanaje rašeńnie, dalokaje ad pryncypaŭ zakonnaści j spraviadlivaści. Zastajecca, badaj, adzinaje vyjście — źviarnucca ŭ Kamitet pa pravach čałavieka AAN i pradstavić Biełaruś jak parušalnicu pravoŭ na spraviadlivy, kampetentny, niezaležny sud!»

Pavodle Belhelcom.org

Hladzi jašče:
Ci reabilituje Mikłaševič Hienijuš?
U Zelvie adčynieny i aśviečany pomnik Łarysie Hienijuš
Kali ciapierašniaja dziaržava ličyć Hienijuš voraham, značyć heta nie biełaruskaja dziaržava, miarkuje historyk Michaś Čarniaŭski

Клас
0
Панылы сорам
0
Ха-ха
0
Ого
0
Сумна
0
Абуральна
0