Aleś Michalevič

Namieśnik staršyni Partyi BNF prapanavaŭ sabracca sa ściahami na płoščy Niezaležnaści la hałoŭpaštamtu, kab dasłać Pucinu telehramy pratestu.

Planuciecca, što 13‑14 śniežnia prezydent Rasiei Ŭładzimier Pucin miarkuje naviedać Biełaruś.

Namieśnik staršyni partyi BNF Aleś Michalevič zrabiŭ zajavu na hety kont.

«Praz tydzień u Miensk dumaje pryjechać Pucin. Zajści maje jak hość, a syjści, vidać, choča jak haspadar. U strohaj tajamnicy trymajucca pakty, jakija adzin dyktatar pryviazie na podpis druhomu. Najvierahodniej, ciomnaja sprava tyčycca niezaležnaści našaj Radzimy, jakuju mierajucca prynieści ŭ achviaru šerym schiemam praciahu ŭładarańnia hetych adyjoznych asobaŭ».

Aleś Michalevič zaklikaje siabroŭ‑frontaŭcaŭ, moładź, viernikaŭ‑chryścijanaŭ, usich nieabyjakavych da losu krainy ludziej vystupić suprać vizytu Pucina ŭ Biełaruś:

«9‑ha śniežnia, u niadzielu, a 15‑j hadzinie biarycie ściah i prychodźcie da Hałoŭpaštamtu, kab adpravić telehramu Pucinu. Telehramu ad kožnaha z nas z adnym tolki słovam: «Preč!» Chaj nas budzie poŭnaja płošča Niezaležnaści, a kali pieraškodziać — pojdziem da vakzału, jaho nie ačepiš; pieradamo listy ciahnikom».

Клас
0
Панылы сорам
0
Ха-ха
0
Ого
0
Сумна
0
Абуральна
0