Viciebskaja vobłaść uklučana ŭ Jeŭrapiejskuju sietku kulinarnaj spadčyny, jakaja spryjaje raspaŭsiudžvańniu viedaŭ ab receptach jeŭrapiejskaha rehijonu.
Jak paviedamili ŭ miascovym fondzie sadziejničańnia raźvićciu mižnarodnaha dyjałohu i supracoŭnictva «Interakcyja», uvachodžańnie Viciebskaj vobłaści ŭ jeŭrapiejskuju sietku adbyłosia ŭ ramkach biełaruska-łatvijskaha prajekta Bella Cuisine i dazvolić rehijonu bolš aktyŭna raźvivać hastranamičny turyzm. Fatahrafii i apisańni straŭ Viciebščyny ŭžo jość na aficyjnym sajcie sietki www.culinary-heritage.com.
Akaramia ŭklučeńnia ŭ sietku, u ramkach prajekta Bella Cuisine raspracavany šaścidzionny turystyčny maršrut, padčas jakoha možna aznajomicca z kulinarnaj spadčynaj Viciebskaj vobłaści i łatvijskaha rehijonu Łathalija. Akramia taho, u pieršaj pałovie vieraśnia ŭ Krasłavie (Łatvija) byŭ adkryty mižnarodny centr Bella Cuisine, u jakim možna atrymać infarmacyju ab kulinarnaj spadčynie biełaruska-łatvijskaha pamiežža.
Prajekt Bella Cuisine realizoŭvaŭsia ŭ Biełarusi i Łatvii z sakavika 2013 hoda pa vierasień 2014-ha z metaj palapšeńnia kulinarnaha servisu ŭ Viciebskim i Łathalskim rehijonach na asnovie kancepcyi kulinarnaj spadčyny. Ahulny biudžet prajekta skłaŭ 483.195 jeŭra, inicyjatyva na 90% finansavałasia Jeŭrapiejskim sajuzam, a jaje partniorami vystupili 11 hramadskich i dziaržaŭnych arhanizacyj ź Biełarusi i Łatvii.