Biełarusy zmohuć jeździć u Izrail bieź viz užo ŭ kancy śniežnia 2014 hoda. Ab hetym paviedamiŭ siońnia žurnalistam Nadzvyčajny i Paŭnamocny Pasoł Izraila ŭ Biełarusi Iosif Šahał.

Dypłamat padkreśliŭ, što 19 vieraśnia čakajecca padpisańnie ŭ Minsku dakumienta ab biełaruska-izrailskim biaźvizavym režymie. Ź biełaruskaha boku jaho padpiša ministr zamiežnych spraŭ Uładzimir Makiej, ź izrailskaha — ministr absorbcyi i sustaršynia biełaruska-izrailskaj kamisii pa handlova-ekanamičnym supracoŭnictvie Sofa Łandvier. Biaźvizavy režym pamiž Biełaruśsiu i Izrailem ustupić u siłu praz 90 dzion z dnia padpisańnia dakumienta. 

«Miarkuju, što admiena vizavaha režymu prypadzie niedzie na 19 śniežnia, plus-minus adzin-dva dni. Heta značyć na Kalady biełarusy zmohuć pajechać na Ziamlu zapavietnuju bieź viz», — skazaŭ Iosif Šahał. 

Pahadnieńnie praduhledžvaje, što biełarusy zmohuć svabodna ŭjazdžać u Izrail, a izrailcianie — u Biełaruś i znachodzicca ŭ inšaj krainie 180 dzion u hod.

Pry hetym pasoł udakładniŭ, što novaŭviadzieńni datyčacca tolki ŭładalnikaŭ hramadzianskich pašpartoŭ, ale nie dypłamatyčnych i słužbovych.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?