U Samary admienieny pryznačany na 26 listapada kancert Andreja Makareviča, paviedamili itar-tass u biletnych kasach horada.

itar-tass.com

itar-tass.com

«Na žal, kancert nie adbudziecca. Pryčyna admieny nam nieviadomaja. Užo abvieščana pra viartańnie biletaŭ», — adznačyŭ surazmoŭca ahienctva.

Płanavałasia, što Makarevič vystupić u adnym z samarskich restaranaŭ razam ź viadomym pieciarburhskim hitarystam Ildaram Kazachanavym, jaki zrabiŭ aranžyroŭki piesień «Mašiny vriemieni».

Raniej stała viadoma ab admienie ŭ Samary kancertu «MV», pryznačanaha na 19 vieraśnia.

Pa słovach pres-sakratara hurtu Čarnina, pryčynaj admieny vieraśnioŭskaha kancertu stali techničnyja pryčyny. Paźniej vystup Makareviča, pryznačany na 27 vieraśnia, byŭ admienieny ŭ Kazani. Pradstaŭnik restarana, u jakim pavinna było prajści mierapryjemstva, paviedamiŭ, što «kancert admienieny pa arhanizacyjnych pryčynach».

Andrej Makarevič apošnim časam źviedvaje hanieńni ŭ Rasii za padtrymku Ukrainu, udzieł u akcyjach apazicyi.

Jon, u pryvatnaści, u žniŭni vystupiŭ pierad biežancami ŭ vyzvalenych ad bajevikoŭ Słaviansku i Śviatahorsku, a tydzień tamu prezientavaŭ pieśniu «Moja strana sošła s uma».

2 kastryčnika «Mašina vriemieni» daść kancert u Viciebsku, u Letnim amfiteatry, a 3 kastryčnika — u minskim «Pałacy sportu». Kancerty buduć pryśviečanyja 45-hodździu hurtu.

Клас
0
Панылы сорам
0
Ха-ха
0
Ого
0
Сумна
0
Абуральна
0