Pradstaŭniki samaabvieščanych DNR i ŁNR udzielničali ŭ pieramovach u Minsku ŭ jakaści naziralnikaŭ i «nie źjaŭlalisia naŭprost ŭdzielnikami trochbakovaj sustrečy».
Pra heta zajaviŭ śpikier «Viarchoŭnaha savietu» «DNR» Barys Litvinaŭ.
Pa słovach Litvinava, premjer-ministry «DNR» i «ŁNR» Alaksandr Zacharčanka i Ihar Płatnicki «nie źjaŭlalisia naŭprost ŭdzielnikami trochbakovaj sustrečy». «Jany byli śviedkami hetaj spravy, ja tak traktuju», — rastłumačyŭ Litvinaŭ.
Zacharčanka, pa słovach Litvinava, raspavioŭ, što ŭdzielničaŭ u sustrečy z pavahi da inicyjatyŭ prezidenta Rasii Uładzimira Pucina. Premjer «DNR» «uvažliva słuchaŭ, što tam adbyvajecca, i pryniaŭ da viedama toje, pra što damovilisia try baki».
Litvinaŭ padkreśliŭ, što Zacharčanka i Płatnicki «raśpisalisia ŭ tym, što pryniali da razhladu» pratakoł, jaki vyklikaje «šmat pytańniaŭ».
«Napeŭna, možna razhladać hety dakumient jak asnovu mahčymych budučych pieramovaŭ», dapuściŭ śpikier «Viarchoŭnaha savietu» «DNR», ale vykonvać usie jaho 12 punktaŭ ciapier «nie ŭjaŭlajecca mahčymym».
«Ja b nazvaŭ jaho pratakołam ab namierach, pa kožnym z hetych punktaŭ treba siadać i razmaŭlać», — zajaviŭ Litvinaŭ.
