U vyniku pažaru ŭ Minsku zahinuŭ čałaviek, troje vyratavanyja.
Jak paviedamlaje Ministerstva pa nadzvyčajnych situacyjach Biełarusi, 13 vieraśnia ŭ 9.44 u centr apieratyŭnaha ŭpraŭleńnia Minskaha haradskoha ŭpraŭleńnia MNS ad žycharoŭ doma pastupiła paviedamleńnie ab zaharańni ŭ kvatery pa vuł. Matusieviča, 4, korp.2.
Paśla prybyćcia da miesca vykliku adździaleńnia PAVČ-26 pa źniešnich prykmietach naziraŭsia dym mocnaj kancentracyi z voknaŭ kvatery na druhim paviersie piacipaviarchovaha doma. U chodzie raźviedki było ŭstanoŭlena, što adbyłosia zaharańnie majomaści, dźviarnych i akonnych prajomaŭ dvuchpakajovaj kvatery na płoščy 45 kv. mietraŭ, jakaja naležyć piensijaniercy 1952 hoda naradžeńnia. Haspadynia na momant pažaru doma adsutničała, pražyvaje z synam 1976 hoda naradžeńnia, jon pakinuŭ pałajučuju kvateru samastojna da prybyćcia padraździaleńniaŭ MNS.
Rabotnikami MNS byŭ vyratavany kvaterazdymščyk — žančyna 1963 hoda naradžeńnia. Jana znachodziłasia na bałkonie ŭ padpalenaj kvatery, vyratavana pa trochkalennaj leśvicy, nie paciarpieła. Piensijanierka 1937 hoda naradžeńnia była znojdzienaja na leśvicy pamiž 2 i 3 paviercham ŭ nieprytomnym stanie, paśla ahladu bryhadaj chutkaj miedycynskaj dapamohi była dastaŭlena ŭ balnicu chutkaj dapamohi z dyjahnazam: atručeńnie praduktami hareńnia. Z kvatery na trecim paviersie vyratavana piensijanierka 1939 naradžeńnia. Jaje paśla ahladu bryhadaj chutkaj miedycynskaj dapamohi dastavili ŭ 4-ju HKB z dyjahnazam: atručeńnie praduktami hareńnia.
Z kvatery na trecim paviersie byŭ evakuiravany piensijanier 1932 hoda naradžeńnia ŭ nieprytomnym stanie. Paśla ahladu bryhadaj chutkaj miedycynskaj dapamohi byŭ dastaŭleny ŭ 4-ju HKB z dyjahnazam: atručeńnie praduktami hareńnia. U 11.52 skanaŭ.
Rabotnikami MNS z raźmieščanych vyšej kvater padjezda biez srodkaŭ vyratavańnia byli evakuiravany 15 čałaviek. Pažar likvidavany ŭ 10.04.
U vyniku pažaru paškodžana majomaść, dźviarnyja i akonnyja prajomy na płoščy 45 kv. mietraŭ, zakurany kvatera i padjezd. Pryčyna pažaru vyśviatlajecca, mierkavanaja — nieaściarožnaje abychodžańnie z ahniom pry kureńni ŭ niećviarozym stanie synam haspadyni padpalenaj kvatery. Aŭtamatyčnymi pažarnymi apaviaščalnikami kvatera nie była abstalavana.
