Z 1 kastryčnika dla niekatorych transpartnych srodkaŭ pavialičvajecca taryf na prajezd pa płatnych darohach Biełarusi.
Heta vyznačana pastanovaj Ministerstva transpartu i kamunikacyj №32 ad 10 vieraśnia 2014 hoda, aficyjna apublikavanaj siońnia na Nacyjanalnym pravavym internet-partale.
Zhodna z dakumientam, źmieny zakranuć aŭtatranspart z dapuščalnaj ahulnaj masaj bolš za 3,5 t. Pamier płaty za prajezd składzie: dla aŭtatranspartu ź dźviuma vosiami — 0,09 jeŭra za 1 km (raniej 0,08 jeŭra/km), z tryma vosiami — 0,115 jeŭra (da hetaha 0,10 jeŭra/km), čatyrma i bolš vosiami — 0,145 jeŭra (raniej — 0,12 jeŭra/km).
Pamier płaty za prajezd lehkavych aŭtamabilaŭ pa-raniejšamu budzie raŭniacca 0,04 jeŭra za kiłamietr.
