Rasiejskija čynoŭniki zajaŭlajuć, što hrupa aŭtamabilaŭ «humanitarnaha kanvoju» pierasiekła rasiejska-ŭkrainskuju miažu.
Pra heta paviedamiŭ aficyjny pradstaŭnik Paŭdniovaha mytnaha ŭpraŭleńnia Rajan Farukšyn.
«Mytniki i pamiežniki zaviaršyli afarmleńnie hrupy «humanitarnaha kanvoju», jakaja składajecca z 33 aŭtamabilaŭ i dvuch aŭtamabilaŭ supravadžeńnia», — skazaŭ Farukšyn.
Pry hetym jon nie ŭdakładniŭ, ci byli dapuščanyja da ahladu hetych aŭtamabilaŭ ukrainskija mytniki i naziralniki ABSIE.
Pavodle jaho słoŭ, u ciapierašni čas kałona z 35 aŭtamabilaŭ kanvoju ŭžo znachodzicca na ŭkrainskim baku.
