Na budynku Handlova-pramysłovaj Pałaty pa vuł. Iryniniskaj vuličny mastak Kanstanicn Okunieŭ sa studyi Fresh Design maluje vieličeznuju karcinu pa matyvach staroha fotazdymka Homiela.
Dom pa vuł. Kirava ŭ Homieli, taksama praca studyi Fresh Design
Na zdymak pa prośbie zakazčyka — Pałaty — byli dadazienyja ludzi ŭ tahačasnaj vopratcy.
Pa słovach Kanstancina, na pracu, jakaja pavinna skončycca na nastupnym tydni, adnych tolki farbaŭ pajšło na 5 miljonaŭ rubloŭ.
«Nam pašenciła, što ściana budynka i sam malunak u pastelnych kolerach, jakija dobra pieradajuć atmaśfieru času i nahadvajuć čorna-bieły zdymak, heta vielmi ablehčyła našuju pracu», — dzielicca mastak.
«Amal usie padobnyja hrafici ŭ Homieli — aŭtarstva našaj studyi, — dadaje Kanstancin. — Ja pracavaŭ niejki čas na budoŭli, zaraz zarablaju tym, što mnie padabajecca — maluju».
Karcina nanosicca z dapamohaj admysłovaj techniki vadastkojkimi farbami na «sietku», naciahnutuju pa ścianie loskaj.
U płanach, paśla zaviaršeńnia hetaha abjektu, pajechać u Čačersk — tam užo padrychtavanaje miesca dla čarhovaj karciny.
