U ramkach admysłovaj akcyi redakcyja časopisa Arche prapanuje ŭsim achvotnym pa maksimalna źnižanaj canie nabyć try (faktyčna čatyry) abjomnyja knihi:
1) Adam Babareka. Zbor tvoraŭ u 2-ch tamach (ahulny abjom 1665 staronak);
2) Adam Stankievič. Z Boham da Biełarusi: zbor tvoraŭ (ahulny abjom 1097 staronak);
3) Anton Adamovič. Da historyi biełaruskaj litaratury: zbor tvoraŭ (ahulny abjom 1464 staronki)
1) Dvuchtomnik ujaŭlaje ź siabie amal što poŭny zbor tvoraŭ viadomaha mižvajennaha biełaruskaha litaraturaznaŭcy, jaki byŭ pryznany lepšym knižnym vydańniem 2011 hoda pavodle viersii haziety «Naša Niva». Mnohija materyjały na staronkach knihi drukujucca ŭpieršyniu dziakujučy tamu, što ŭ składanych varunkach stalinskaha teroru 1930-ch hh., achviaraj jakoha siarod mnohich inšych staŭ i Adam Babareka, jahonaj siamji ŭdałosia cudam zachavać rukapisny archiŭ piśmieńnika i navukoŭca (situacyja ŭ vypadku z represavanymi biełaruskimi litaratarami amal unikalnaja).
Poŭny źmiest knihi dastupny tut i tut.
2) U vydańnie ŭklučanyja asnoŭnyja pracy viadomaha biełaruskaha relihijnaha i nacyjanalnaha dziejača na histaryčna-kulturnuju tematyku, pa historyi chryścijanstva i chryścijanskaha ruchu ŭ Biełarusi, relihijnaha i palityčnaha charaktaru, a taksama kalandarnyja zapisy, jakija rabilisia A. Stankievičam z kanca 1930-ch hh. da siaredziny 1948 h. Heta ŭnikalnaje, cudam zachavanaje śviedčańnie pra losavyznačalny dla Biełarusi i biełarusaŭ čas
Poŭny źmiest knihi dastupny tut.
3) Vydańnie znajomić čytača z małaviadomymi staronkami historyi biełaruskaj litaratury, asabliva praz tvory emihracyjnaha pieryjadu, kali napoŭnicu raskryŭsia krytyčny talent Antona Adamoviča. Usiaho ŭ zbornik uklučanyja 48 daśledavańniaŭ.
Poŭny źmiest knihi dastupny tut.
Zamović kamplekt vydańniaŭ možna, dasłaŭšy elektronny list na adras [email protected]. Cana kamplekta — 200 tys. rubloŭ (košt dastaŭki ŭklučany).
Akcyja praciahniecca da 17 vieraśnia.
Zamaŭlajučy kamplekt, u poli «Tema» treba paznačyć «Dva Adamy i Adamovič», a ŭ liście padać svaje dakładnyja kaardynaty: paštovy adras, indeks, proźvišča i inicyjały, a taksama telefon dla kamunikacyi. Prapanova dziejničaje tolki na terytoryi Respubliki Biełaruś.
