Dzieviacikłaśnicy Alenie Horskaj z Uschodaŭskaj siaredniaj škoły ŭručyli padziaku i naručny hadzińnik z hraviroŭkaj «Za asabistuju mužnaść». Advažnaja školnica nie pabajałasia ŭmiašacca ŭ bojku dvuch mužčyn i spynić jaje.
Dzieci hulali 6 žniŭnia kala voziera Uzychod u Mahiloŭskim rajonie prykładna a 21.00. Jany pačuli kryki ab dapamozie i šum. Tudy kinułasia Alona. Jana ŭbačyła, jak adzin darosły mužčyna pavaliŭ na ziamlu inšaha dy biaźlitasna źbivaŭ nahami. Školnica spačatku adšturchnuła napadnika i stała kryčać, kab toj spyniŭ bojku. U vyniku toj spyniŭ źbićcio i syšoŭ. Da pryjezdu miedykaŭ dziaŭčyna zastavałasia z paciarpiełym.
1 vieraśnia na liniejku va Uschodaŭskuju škołu pryjechaŭ načalnik adździeła ŭnutranych spraŭ Mahiloŭskaha rajvykankama pałkoŭnik milicyi Pavieł Śmirnoŭ.
Jon raspavioŭ usim pra hierojskija ŭčynki 9-kłaśnicy, uručyŭ joj padziaku «Za niepasredny ŭdzieł u harantavańni hramadskaha paradku i hramadskaj biaśpieki na terytoryi Mahiloŭskaha rajona, dapamohu supracoŭnikam orhanaŭ unutranych spraŭ i aktyŭnuju hramadzianskuju pazicyju» i naručny hadzińnik.
