5 vieraśnia svajaki čakajuć cieła zahinułaha sałdata Vasilija Karavajeva. Pa słovach rodnych, jon pamior u špitali paśla ranieńnia ŭ Daniecku.
Cieła zahinułaha Karavajeva pryviazuć u siało Kuvajeŭ Kudymkarskaha rajona siońnia. Pra heta paviedamili svajaki sałdata. Dakładnaja pryčyna śmierci nieviadomaja, jaje rodnym abiacali skazać paśla taho, jak dastaviać trunu. Chavać Vasila buduć 6 abo 7 vieraśnia. Kančatkovaha rašeńnia na hety kont pakul niama.
Raniej ŚMI sa spasyłkaj na stryječnuju siastru Karavajeva Nadzieju Aścinavu paviedamlali, što 20-hadovy vajskoviec byŭ paranieny 21 žniŭnia ŭ Daniecku. Praź piać dzion pamior u špitali ŭ Rastoŭskaj vobłaści.
«Hruz-200» na radzimie čakali jašče 3 vieraśnia. Ale jaho nie dastavili.
Pry hetym pres-sakratar Centralnaj vajennaj akruhi Jarasłaŭ Raščupkin abvierh infarmacyju, što Vasilij Karavajeŭ zahinuŭ padčas bambiožki ŭ Daniecku. Pavodle jaho słoŭ, hetaha nie moža być, tak jak CVA nie viadzie nijakich dziejańniaŭ va Ukrainie, a vajskoŭcy ŭ bajach nie ŭdzielničajuć.
Niekatoryja svajaki zahinułaha ŭ znak smutku pamianiali na svaich staronkach u sacyjalnych sietkach hałoŭnyja fota, raźmiaściŭšy na zastaŭkach śviečku.
