fota media-polesye.by
Aficyjnaje adkryćcio pomnika projdzie na abłasnych «Dažynkach» u subotu, 6 vieraśnia.
Nahadajem, što ŭ siaredzinie žniŭnia kiraŭnik Bresckaha abłvykankama Kanstancin Sumar naviedaŭ Pinsk. Tam jon prainśpiektavaŭ padrychtoŭku da dažynak i raspavioŭ ab płanach ustalavać u horadzie pomnik chlebu. Tady ž Sumar, vykazaŭšy niezadavolenaść tymi varyjantami, jakija byli pradstaŭleny mastackaj kamisii, sam nakidaŭ na arkušy papiery prybliznuju vyjavu pomnika.
I voś uviečary 4 vieraśnia pomnik ustalavali. Vyhladaje jon ścipła: hranitny kub, na jakim lažyć ručnik z bochanam chlebu i kałasami.
Jak paviedamiŭ Viačasłaŭ Harbuzaŭ — namieśnik načalnika pa kultury Bresckaha abłvykankama, pomnik sapraŭdy vykanany pa eskizie hubiernatara, jaki, praŭda, byŭ troški dapracavany prafiesijnym skulptaram.
Pryčym, było pradstaŭlena jašče kala 5-7 prajektaŭ pomnika.
Ale, pa słovach Harbuzava, vyrašyli, što varyjant Sumara «najbolš adkazvaje ŭsim patrabavańniam».
