Na pieramovach, jakija prajšli ŭ Ńjuparcie (Uels) na palach samitu NATA, była dasiahnutaja damoŭlenaść ab pastaŭkach u Ukrainu vysokadakładnaj zbroi. Pra heta paviedamiŭ prezident Piatro Parašenka na supolnaj pres-kanfierencyi z Hiensakam aljansa Andersam Foh Rasmusenam.

«Dasiahnuta damoŭlenaść na dvuchbakovym uzroŭni (z krainami-ŭdzielnicami NATA) adnosna vajskova-techničnaha supracoŭnictva, u tym liku ab pastaŭkach nieletalnaha i letalnaha ŭzbrajeńnia, uklučajučy vysokadakładnuju zbroju», — zajaviŭ kiraŭnik Ukrainy.

Parašenka asobna padkreśliŭ, što hetaja damoŭlenaść dasiahnutaja nie z aljansam u cełym, a z kankretnymi krainami-ŭdzielnicami aljansa.

Miž tym, NATA nie maje piarečańniaŭ u dačynieńni da takich pastavak i navat zaachvočvaje ich. «U rezalucyi kamisii Ukraina-NATA buduć słovy ab zaachvočvańni vajenna-techničnaha supracoŭnictva», - adznačyŭ prezident.

Piatro Parašenka nie ŭdakładniŭ, ź jakimi mienavita krainami jon damoviŭsia ab vajennaj dapamozie. Viadoma, što ŭ čaćvier jon pravodziŭ sustrečy ź liderami ZŠA, Hiermanii, Francyi, Italii, Vialikabrytanii i Kanady.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?