Bajeviki źniščyli ŭmacavany rajon bataljona «Azoŭ» i pamiežnaj słužby miž Maryupalem i raniej zachoplenym Novaazoŭskam.

Pra heta zajaviŭ kamandzir bataljona «Azoŭ» Andrej Bialecki, słovy jakoha pryvodzić aficyjnaja staronka bataljona.

«Ruskija źniščyli ŭmacavany rajon bataljona «Azoŭ» i pamiežnaj słužby z boku Novaazoŭska. Dziakuj hienierałam, jakija dźvie hadziny abiacali artyleryjski ahoń dakładnaha naviadzieńnia, ale ničoha nie zrabili», — narakaje jon.

«Źniščana ŭsia naša mizernaja technika. Jość hruz dźvieście. Pracavali ščylnym ahniom, dziakujučy navodčykam-zdradnikam», — dadaŭ jon.

Jak patłumačyŭ «Ukrainskaj praŭdzie» pres-sakratar kamandzira Ściapan «Bajda», boj byŭ pad Šyrokinym.

«Heta byŭ naš pieradavy błokpost. Jany prosta pieraarali jaho artyleryjaj. My stajali da samaha kanca, da apošniaha momantu, pakul usio heta nie krytyčna», — adznačyŭ jon.

«Suprać piachoty my mahli stajać biez prablem, ale suprać minamiotaŭ, samachodnych artyleryjskich ustanovak i «Hradaŭ» heta niemahčyma. U nas byŭ adzin minamiot, jaki ŭzarvali. U nas taksama była zienitnaja ŭstanoŭka, jakuju taksama ŭzarvali. I ŭ nas byŭ adzin BTR», — dadaŭ jon.

«Nam daviałosia adyści», — dadaŭ «Bajda».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?