Žychary horada źbirajuć podpisy z prapanovaj pierajmienavać parki z savieckimi nazvami.

Siabry baranavickaha adździaleńnia prafsajuza REP 4 vieraśnia pačali zbor podpisaŭ pad prapanovaj ab pierajmienavańni haradskich parkaŭ. List z podpisami jany płanujuć nakiravać u harvykankam.

Jak adznačyli aktyvisty, nazvy haradskich parkaŭ imia 30 hod UŁKSM (małady) i imia 60 hod SSSR (stary) daŭno nie adpaviadajuć sučasnym realijam i sastareli.

Haradžanie prapanujuć małady park pierajmienavać u park Hierojaŭ Biełarusi, a park imia 60-hodździa SSSR – u Park pieršaha prezidenta Biełarusi.

U zvarocie da haradskich uładaŭ havorycca, što hramadskija aktyvisty nieadnarazova źviartalisia da kiraŭnictva Baranavič z prapanovami dobraŭparadkavańnia, rekanstrukcyi haradskich parkaŭ, ustalavańnia tam novych atrakcyjonaŭ, kab zrabić ich bolš kamfortnymi dla adpačynku žycharoŭ i haściej horada. Ale, pa słovach aktyvistaŭ, na ich zvaroty nie źviartali ŭvahi. Mahčyma, uzhadka prezidenta dapamoža niešta źmianić.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?