Jeŭrapiejski mižkulturny fiestyval 4—14 vieraśnia prachodzić u Biełarusi.
Jaho arhanizatarami źjaŭlajucca «Ofis za demakratyčnuju Biełaruś» (Bielhija), aśvietnickaja ŭstanova «Ofis jeŭrapiejskaj ekśpiertyzy i kamunikacyj» (Biełaruś) i mižnarodny sacyjalna-ekanamičny fond «Ideja» (Biełaruś).
Jak paviedamlajuć arhanizatary, u ramkach fiestyvalu adukacyjnyja i kulturnyja mierapryjemstvy projduć u Minsku, Mahilovie, Hrodnie i Breście.
U prahramie fiestyvalu: čajavańnie z pasłom Vialikabrytanii ŭ Biełarusi Brusam Bakniełam dla žadajučych papraktykavacca ŭ anhlijskaj movie, sustreča z hruzinskim piśmieńnikam Dato Turašvili, pakaz filma «Kachańnie z akcentam», lekcyi prafiesara ŭniviersiteta Hienta Hranta Kastaniana ab źniešniaj palitycy ES u rehijonie Uschodniaj Jeŭropy. Akramia taho, projduć abmierkavańni jeŭrapiejskaj adukacyjnaj prahramy Erasmus+, lekcyi finskaha vučonaha pa hiendarnych daśledavańniach Karyty Piełtanien i supracoŭnika centra «Karniehi-Jeŭropa» Ryčarda Janhsa.
U ramkach fiestyvalu arhanizavany konkursy ese, fatahrafij i dziciačaha malunka.
