Pryblizna 50 mierapryjemstvaŭ zapłanavana ŭ miežach śviatkavańnia Dnia horada ŭ Minsku 13—14 vieraśnia, paviedamiła na pres-kanfierencyi 4 vieraśnia ŭ Minsku pieršy namieśnik načalnika hałoŭnaha ŭpraŭleńnia ideałahičnaj pracy, kultury i pa spravach moładzi Minharvykankama Vitalina Rudzikava. 

Sioleta horadu spaŭniajecca 947 hadoŭ, i, pavodle jaje słoŭ, «temaj kancepcyi śviatkavańnia Dnia horada źjaŭlajecca Hod haścinnaści». «Hetaja tema aktualnaja dla Minska, tym bolš paśla minułych značnych padziej — čempijanatu śvietu pa chakiei i śviatkavańnia 70-hodździa vyzvaleńnia Biełarusi ad niamiecka-fašysckich zachopnikaŭ, jakija padkreślili i pakazali ŭsie mahčymaści stalicy, raźvitaść infrastruktury. Tema haścinnaści projdzie čyrvonaj nitkaj i praz usie mierapryjemstvy Dnia horada», — adznačyła Rudzikava. 

13 vieraśnia adbudziecca tradycyjnaja cyrymonija ŭručeńnia ŭznaharod «Minčanin hoda» ŭ muzyčnym teatry, jakaja zavieršycca śpiektaklem «Sofja Halšanskaja». 

Kala Pałaca sportu adbudziecca kancert u miežach Fiestyvalu mastactvaŭ biełarusaŭ śvietu. U Minsk pryjedzie bolš za 200 udzielnikaŭ — vykanaŭcaŭ i kalektyvaŭ z 15 krain, u tym liku Rasii, Ukrainy, Polščy, Litvy, Arhienciny. Viečaram na hetaj ža placoŭcy zapłanavanaja kancertnaja prahrama «Miełodyi našaha horada». Tut ža adbudziecca fiestyval «Minsk histaryčny», u jakim voźmuć udzieł členy kłubaŭ histaryčnaj rekanstrukcyi. «Buduć adnoŭlenyja i pakazanyja histaryčnyja padziei 10 stahodździaŭ historyi. Asablivy akcent budzie zrobleny na padziejach 1812 i 1944 hadoŭ», — skazała Rudzikava. Taksama kala Pałaca sportu budzie pracavać vystava techniki pramysłovych pradpryjemstvaŭ Minska. 

Dla dziciačaj aŭdytoryi budzie arhanizavanaja interaktyŭnaje śviata ŭ parku imia Horkaha. Tut ža adbudziecca bijatłonny fiestyval Darji Domračavaj. 

Dla moładzi ŭ Studenckaj vioscy budzie dadzieny kancert maładziožnych kalektyvaŭ roznych kirunkaŭ. Spartyŭna-maładziožnaje śviata adbudziecca kala Pałaca CHK «Junactva-Minsk» na vulicy Prytyckaha. 

U Vierchnim horadzie adbudziecca cyrymonija zaklučeńnia šlubu dzieviaci par. Kala ratušy projdzie zakryćcio fiestyvalu vuličnych teatraŭ, roznyja šou i vystavy. Vystava «Horad majstroŭ» budzie pracavać u parku Pieramohi. U joj voźmuć udzieł ramieśniki i navučency profilnych PTV, a taksama majstry z Rasii i Litvy. 

Śviata 13 vieraśnia zavieršycca ŭskładańniem kvietak da steły «Minsk — horad-hieroj» (21.30) i śviatočnych fiejervierkam (22.00). 

14 vieraśnia adbuducca respublikanskija lohkaatletyčnyja spabornictvy «Minski marafon».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?