fota Iryny Arachoŭskaj

fota Iryny Arachoŭskaj

Jak paviedamiŭ kiraŭnik vajennaj prakuratury Ukrainy Anatol Macias, pasoł Ukrainy ŭ Minsku Michaił Ježal «pajechaŭ u Biełaruś źbirać rečy, i tam jaho nahnaŭ hipiertaničny kryz, u jaho pieradinsultny stan».

«Była adkryta vytvorčaść pa faktach razbazarvańnia biudžetnych srodkaŭ, jakija pavinny byli pajści na patreby armii, u dačynieńni da Michaiła Ježala. Jon źjaviŭsia na dopyt, dzie jamu paviedamili ab padazreńni. Ciaham 72 hadzin jon pavinien byŭ pryjści ŭ sud dla abrańnia miery strymańnia. Zhodna z novym Kryminalnym pracesualnym kodeksam Ukrainy ŭ nas nie było padstaŭ dla jaho zatrymańnia. Taki Zakon. Jon pajechaŭ u Biełaruś źbirać rečy, tam jaho nahnaŭ hipiertaničny kryz, u jaho pieradinsultny stan.

Pavodle daviedki vajennaha, padkreślivaju, centralnaha vajennaha špitala Minabarony Biełarusi, Ježal znachodzicca ŭ krytyčnym stanie.

Paśla vyzdaraŭleńnia i viartańnia va Ukrainu budziem rabić toje, što my abaviazanyja rabić pa zakonie», — paviedamiŭ Anatol Macias, adkazvajučy na pytańni karespandentaŭ ŭkrainskaha vydańnia Liga.Net ab chodzie rasśledavańnia ŭ dačynieńni da byłych ministraŭ abarony.

Hetuju infarmacyju paćvierdzili ŭ pasolstvie Ukrainy ŭ Biełarusi.

«Tak, Michaił Branisłavavič znachodzicca ŭ vajennym špitali Minabarony Biełarusi. U jaho hipiertaničny kryz», — raspaviała pieršy sakratar pasolstva Ukrainy ŭ Biełarusi Maryja Hucała.

Nahadajem, 13 žniŭnia stała viadoma, što Hienieralnaja prakuratura Ukrainy pradjaviła padazreńnie byłomu ministru abarony krainy Michaiłu Ježalu. Padazreńnie abvieščana ŭ ramkach kryminalnaj vytvorčaści pa faktach padryvu abaranazdolnaści armii.

Michaił Ježal da svajho pryznačeńnia nadzvyčajnym i paŭnamocnym pasłom Ukrainy ŭ Biełarusi, z 2010 pa 2012 hod byŭ ministram abarony Ukrainy, z 2008 pa 2010 - hałoŭnym inśpiektaram Hałoŭnaj inśpiekcyi ministerstva abarony Ukrainy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?