Alaksandr Łukašenka niezadavoleny pracaj Biełkaapsajuza pa asnoŭnych napramkach dziejnaści arhanizacyi.

Ab hetym kiraŭnik dziaržavy zajaviŭ siońnia, prymajučy z dakładam kiraŭnika praŭleńnia Biełkaapsajuza Valeryja Ivanova i namieśnika kiraŭnika Administracyi prezidenta Anatola Lisa.

Łukašenka, u pryvatnaści, ličyć dziŭnaj situacyju, kali Biełkaapsajuz rehularna źviartajecca pa finansavuju padtrymku i kredyty dla papaŭnieńnia abarotnych srodkaŭ, u toj čas jak inšyja arhanizacyi handlu pracujuć z prybytkam.

Pry hetym kiraŭnik dziaržavy padkreśliŭ, što ličyć pustymi razmovy pra toje, što arhanizacyi Biełkaapsajuza zajmajucca absłuhoŭvańniem niebahataha sielskaha nasielnictva i niasuć dadatkovyja traty na ŭtrymańnie aŭtałavak dla dastaŭki tavaraŭ u addalenyja vioski.

Kiraŭnik dziaržavy adznačyŭ, što ŭ hetaj suviazi damoviŭsia sa staršynioj savieta dyrektaraŭ TAA «Tytuń-Inviest» Paŭłam Tapuzidzisam ab realizacyi ŭ Škłoŭskim rajonie prajekta ŭ śfiery roźničnaha handlu.

«Bo jon (Pavieł Tapuzidzis) jaho (Škłoŭski rajon) dobra viedaje, i ja jaho vydatna viedaju», — rastłumačyŭ kiraŭnik dziaržavy vybar pry realizacyi prajekta ŭ karyść mienavita hetaha rajona.

Alaksandr Łukašenka raskazaŭ, što na prykładzie hetaha prajekta płanujecca pakazać, jak možna aptymalna absłužyć sielski rajon u handlovym sensie i arhanizavać zakupku liškaŭ sielhaspradukcyi ŭ nasielnictva.

«Jon usio heta zrobić i pakaža. I jon mnie ŭžo dakładvaje, što prapracavaŭ hety varyjant», - skazaŭ biełaruski lidar.

Jon kankretyzavaŭ, što havorka idzie pra budaŭnictva vialikaha šmatprofilnaha mahazina ŭ rajonnym centry, dzie pad adnym dacham budzie raźmieščany nie tolki handal, ale taksama apteka i abjekty pa akazańni bankaŭskich pasłuh.

Akramia taho, u kožnym ahraharadku płanujecca arhanizavać handlovyja płoščy da 100 kv.m. «Miarkuju, što my ź im damovimsia, što heta ž krama budzie ŭ hetym sielhaskaapieratyvie absłuhoŭvać usie tak zvanyja dalokija niepierśpiektyŭnyja vioski», - adznačyŭ kiraŭnik dziaržavy.

«Ja hetym chaču skazać, što spažyŭkaapieracyja da hetaha času nie pačynaje varušycca.

Jana prosta nie razumieje, u jakoj situacyi pracuje, što tyja savieckija časy, kali jany byli manapalistami, syšli. I siońnia ŭžo tyja nienavisnyja joj handlovyja sietki, jakija isnujuć u krainie (i ludzi ŭchvalajuć ich dziejnaść), hatovyja absłuhoŭvać sielskija rajony i davać vynik», — adznačyŭ Alaksandr Łukašenka.

Na sustrečy taksama abmiarkoŭvaŭsia prajekt Biełkaapsajuza pa budaŭnictvie ŭ Biełarusi novaj žyviołahaspadarki.

Kiraŭnik dziaržavy padkreśliŭ, što ŭ cełym zaŭsiody padtrymlivaje stvareńnie novych pradpryjemstvaŭ, ale źviarnuŭ uvahu, što pad budučuju pradukcyju pavinny być prapracavany rynki zbytu. «Ci nie atrymajecca tak, što my pabudujem novaje pradpryjemstva, navat atrymajem tam pušninu, a potym jaje nie pradadzim abo budziem vymušanyja pradavać u stratu? Voś, što mianie chvaluje», — zaŭvažyŭ jon.

Akramia taho, Alaksandr Łukašenka pieraściaroh Biełkaapsajuz ad nieabhruntavanaha impartu pry stvareńni novaha pradpryjemstva, bo ŭ dadzienym vypadku mierkavałasia zakuplać za miažoj u tym liku śpiecyjalnyja kletki dla ŭtrymańnia žyvioł. «Ci bačycie, my ŭ Biełarusi nie možam vyrabić kletki i siońnia budziem miljony dalaraŭ marnavać na toje, kab ich zavieźci, — aburyŭsia jon. — Tamu kali vy chočacie realizavać hety prajekt, vy za jaho budziecie adkazvać. Ale valutu vy nie atrymajecie».

Alaksandr Łukašenka daručyŭ na pačatak 2015 hoda zapłanavać maštabnuju naradu ź jaho udziełam, dzie buduć detalova razhledžany vyniki dziejnaści Biełkaapsajuza.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?