Michaś Jančuk. 

Michaś Jančuk. 

Siońnia stała viadoma, što Viarchoŭny sud Biełarusi abaviazaŭ Polskaje telebačańnie spynić vykarystańnie handlovaha znaku «Biełsat» pry tranślacyi na terytoryju Biełarusi, a taksama na staroncy sajta «Biełsat» u internecie, dastupnym dla karystalnikaŭ na terytoryi Biełarusi.

Pazoŭ suprać niezaležnaha biełaruskamoŭnaha telekanała «Biełsat» padaŭ Andrej Bielakoŭ, jakomu naležyć firma «BIEŁSATplus», što zajmajecca ŭstanoŭkaj sistem spadarožnikavaha telebačańnia. Pavodle słovaŭ Bielakova, jaho kampanija niasie straty praz suhučnaść nazvy z kanałam «Biełsat».

Pradstaŭnik telekanała ŭ Biełarusi Michaś Jančuk ličyć, što rašeńnie suda absalutna niedarečnaje: «Paśla sudovaha rašeńnia, jakoje vyniesiena siońnia, u dziejnaści kanała «Biełsat» ničoha nie źmienicca, pakolki achova tavarnych znakaŭ ažyćciaŭlajecca pavodle terytaryjalnaha pryncypu.

Spadar Bielakoŭ maje prava na achovu svajho tavarnaha znaku vyklučna na terytoryi Biełarusi. A

na terytoryi ŭsiaho Jeŭrasajuza i, u pryvatnaści, Polščy naš tavarny znak lehalna zarehistravany i moža vykarystoŭvacca dla ŭsich vidaŭ statutnaj dziejnaści, što my i budziem rabić dalej.

Na terytoryi Biełarusi my nie viadziem nijakaj tranślacyi, vysiłkami biełaruskich uładaŭ u nas niama akredytavanych karespandentaŭ i tut Biełsat nie maje nijakaj majomaści i bankaŭskich rachunkaŭ.

My nie prysutničajem jak subjekt haspadarańnia na terytoryi Respubliki Biełaruś.

Kali b biełaruski sud byŭ paśladoŭny, hety praces uvohule nie musiŭ by adbycca, bo

adnym z bakoŭ źjaŭlajecca zamiežny subjekt haspadarańnia, i heta na terytoryi znachodžańnia «Biełsata» Bielakoŭ pavinny padavać pazoŭ. Viedajučy, što heta było b niemahčyma na terytoryi Polščy, Bielakoŭ padaŭ pazoŭ suprać kanała na terytoryi Biełarusi».

Nahadajem, što 27 studzienia 2014 hoda kalehija Viarchoŭnaha suda adchiliła pazoŭ Bielakova, bo jon nie pradstaviŭ dokazaŭ parušeńnia jahonych vyklučnych pravoŭ na handlovy znak.

Ale praź piać miesiacaŭ Prezidyum Viarchoŭnaha suda pastanaviŭ nakiravać pazoŭ Andreja Bielakova suprać telekanała «Biełsat» na novy razhlad u suviazi ź nibyta niedaskanałym vyvučeńniem dokazaŭ pa spravie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?