Paśla žorstkich bajoŭ i razhromu sieparatystami bujnych ukrainskich padraździaleńniaŭ na poŭdzień ad Daniecka nastupiła tryvožnaja cišynia.

Raskidanyja pa navakollach biežancy pačali aściarožna viartacca ŭ vieski — chacia b dziela taho, kab chto z žacham, a kto z palehkaj pahladzieć na toje, jaki los napatkaŭ ich chaty.

Šmat dzie budynki źniaviečanyja snaradami, spalenyja, razrabavanyja niemaviedama kim. Čaściakom u harodach traplajucca akopy, zabityja sabaki. U viescy Hrabskaje (na zdymkach) prarasiejskija «apałčency» pavodziać siabie ŭpeŭniena, fatahrafujucca la spalenaj ukrainskaj braniatechniki.

Kab zdabyć choť niejkija srodki na ramont chaty i žyćcio, mužčyny raźbirajuć BTR ukrainskaj armii. A ŭ horadzie Iłavajsku nad vulicaj čarniejuć spalenyja «Hradami» bałkony šmatpaviarchovak. Niešmatlikija piensijaniery, što nie zdoleli źbiehčy ad vajny, ładkujuć byt u padvałach svaich damoŭ. Jany i načujuć tam, bajučysia čarhovych artabstrełaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?