Adziny internet-partał finansavaj daśviedčanaści nasielnictva www.fingramota.by pačaŭ pracavać u Biełarusi z 1 vieraśnia, paviedamiŭ siońnia žurnalistam namieśnik staršyni praŭleńnia Nacyjanalnaha banka Siarhiej Dubkoŭ. 

Sajt budzie cikavy darosłym i dzieciam. Tut jość i sacyjalnyja roliki, i adukacyjnyja multfilmy. Akramia taho, na internet-partale raźmieščany knihi, artykuły, brašury, videamateryjały, a taksama vyniki daśledavańniaŭ uzroŭniu finansavaj daśviedčanaści nasielnictva i stupieni dostupu da finansaŭ u Biełarusi. 

Na sajcie možna znajści infarmacyju ŭ śfiery finansavych pasłuh: daviedacca, jak vybrać kredyt, navučycca kiravać asabistymi finansami, vyvučyć historyju stvareńnia hrošaj, vidy strachavańnia, razhledzieć aśpiekty padatkovaha zakanadaŭstva. Na resursie buduć rehularna raźmiaščacca naviny ab mierapryjemstvach i padziejach u finansavaj śfiery. Praduhledžvajecca pastajannaje napaŭnieńnie novymi, cikavymi materyjałami, raźmiaščeńnie aktualnaj infarmacyi. 

Kancepcyja partała praduhledžvaje, što pastaŭščykami infarmacyi na hety resurs buduć usie zacikaŭlenyja ŭdzielniki finansavaha rynku. Heta daść mahčymaść vyklučyć dubliravańnie, paźbiehnuć raskidańnia infarmacyi i pavysić davier da jaje, dabicca sinierhietyčnaha efiektu ŭ pavyšeńni finansavaj adukacyi nasielnictva. 

Jak adznačyŭ Siarhiej Dubkoŭ, da adkryćcia śpiecyjalnaha partała źviestki nakont finansavaj daśviedčanaści byli krychu razroźnieny. «My vyvučyli vopyt inšych krain. Suśvietny bank nam akazaŭ sadziejničańnie ŭ hetym pytańni. U vyniku stvaryli cikavy pradukt, jaki ŭ dalejšym budzie raźvivacca, jon budzie sastaŭnoj častkaj navučańnia finansavaj daśviedčanaści ludziej usich uzrostaŭ», — skazaŭ Siarhiej Dubkoŭ. 

Internet-partał pryznačany pavysić uzrovień viedaŭ nasielnictva ab finansavych praduktach i pasłuhach, sfarmiravać u hramadzian racyjanalnyja finansavyja pavodziny pry pryniaćci rašeńniaŭ, što datyčacca asabistych finansaŭ, a taksama papularyzavać idei pavyšeńnia finansavaj daśviedčanaści siarod nasielnictva Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?