Konkurs dla maładych vučonych u naminacyi «Nana- i mikrastruktury: technałohii atrymańnia, dyjahnostyka i novyja prymianieńni» abjavili siońnia Fond padtrymki adukacyi i navuki (Ałfioraŭski fond) i Nacyjanalnaja akademija navuk Biełarusi, paviedamili ŭ pres-słužbie NAN.

Dakumienty z pamietkaj «Na saiskańnie premii Ałfioraŭskaha fondu i Nacyjanalnaj akademii navuk Biełarusi dla maładych vučonych 2014 hoda» pavinny być pradastaŭleny ŭ NAN nie paźniej za 31 kastryčnika 2014 hoda.

Udzielničać u konkursie moža adzin aŭtar abo hrupa aŭtaraŭ u składzie nie bolš jak troch čałaviek. Navukovaja acenka rabot budzie ažyćciaŭlacca kamisijaj pa prysudžeńni premii Ałfioraŭskaha fondu i NAN Biełarusi. U jaje skład uklučany vučonyja ŭ adpaviednaści z abjaŭlenaj naminacyjaj. Pieramožca spabornictva atrymaje sumu ŭ biełaruskich rublach, ekvivalentnuju $2,5 tys.

Premija Ałfioraŭskaha fondu i Nacyjanalnaj akademii navuk Biełarusi za navukovyja pracy i vynachodstvy, jakija majuć važnaje značeńnie dla fundamientalnaj i prykładnoj navuki, zasnavana 5 červienia 2014 hoda ŭ metach zaachvočvańnia maładych (da 35 hadoŭ) biełaruskich vučonych. Ź inicyjatyvaj vystupiŭ nobieleŭski łaŭreat, vice-prezident Rasijskaj akademii navuk, zamiežny člen NAN Biełarusi, akademik RAN Žares Ałfioraŭ. Premija budzie ŭručacca štohod ad imia zasnavalnikaŭ napiaredadni dnia stvareńnia Nacyjanalnaj akademii navuk pa vynikach konkursu.

Dla najbolš poŭnaha achopu ŭsich napramkaŭ daśledavańniaŭ praduhledžana ich ratacyja ŭ ramkach trochhadovaha cykła. Štohod budzie abjaŭlacca konkurs na saiskańnie hetaj premii paśladoŭna pa nastupnych napramkach daśledavańniaŭ: fizika, matematyka, infarmatyka, fizika-techničnyja navuki; bijałohija, chimija, miedycyna, ahrarnyja navuki i navuki ab ziamli; navukovyja daśledavańni humanitarnaj nakiravanaści, źviazanyja mietadałahična z pryrodaznaŭčanavukovymi daśledavańniami.

«U asobnych vypadkach mahčyma abjaŭleńnie konkursu pa naminacyi, jakaja abjadnoŭvaje daśledavańni vyšejpieraličanych napramkaŭ navukovych daśledavańniaŭ», — padkreślili ŭ pres-słužbie NAN.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?