Adzin ź viadučych suśvietnych aperataraŭ suviazi hatovy investavać u raźvićcio arhanizacyjaŭ elektrasuviazi Biełarusi.

Nahadajem, što 14 listapada Biełaruś naviedali pradstaŭniki France Telecom Group, adnaho ź viadučych suśvietnych aperataraŭ suviazi (TM orange). U časie sustrečy ź kiraŭnictvam Minsuviazi viałosia pra zacikaŭlenaść FTG u investycyjach u biełaruski rynak. Pra kankretnyja intaresy hrupy ŭ Biełarusi naŭprost nie paviedamlałasia. U časie sustrečy paćvierdziłasia zacikaŭlenaść bakoŭ u pryciahnieńni hrupy France Telecom u jakaści investara da raźvićcia arhanizacyjaŭ elektrasuviazi Biełarusi.

U France Telecom Group «Našaj Nivie» nie prakamentavali akaličnaści pieramovaŭ, adznačyŭšy, što kamentar budzie mahčymy tolki paśla kankretnych dziejańniaŭ bakoŭ — padpisańnia damovy ab supracoŭnictvie ŭ peŭnaj halinie.

Pamočnik ministra suviazi Natalla Alaškievič paviedamiła, što pieramovy mieli papiaredni i ahulny charaktar, pra kankretnuju sferu zacikaŭlenaści France Telecom Group pakul nie viałosia.

France Telecom Group ‑‑ adzin ź viadučych suśvietnych aperataraŭ suviazi. Pavodle stanu na 30 červienia 2007 h. jon absłuhoŭvaŭ bolš za 163 miljonaŭ abanentaŭ na piaci kantynentach, z katorych dźvie trecija — pad brendam Orange. Ahulny abjom prodažaŭ hrupy skłaŭ 51,7 młrd eŭra ŭ 2006 h. i 25,9 młrd eŭra na 1 vieraśnia 2007 h. 30 červienia 2007 h. hrupa naličvała 102,5 młn abanentaŭ mabilnaj suviazi i 10,5 młn karystalnikaŭ ADSL.

Siamion Piečanko

Клас
0
Панылы сорам
0
Ха-ха
0
Ого
0
Сумна
0
Абуральна
0