Takaja vysokaja acenka ŭtrymlivajecca ŭ štohadovym dakładzie Prahramy raźvićcia Arhanizacyi Abjadnanych Nacyj (AAN).

Pry składańni rejtynhu eksperty biaruć za asnovu takija pakazčyki, jak praciahłaść žyćcia, uzrovień adukacyi, pamier vałavoha ŭnutranaha praduktu. Rejtynhi AAN publikujucca z 1990 h. Ciaham apošnich šaści hadoŭ pieršy radok zajmała Narvehija. Sioleta jana na druhim miescy. Za joj iduć Aŭstralija, Kanada, Irlandyja i Švecyja. Apošnija miescy ŭ rejtynhu zajmajuć Sjera‑Leone, Burkina‑Faso, Hvinieja‑Bisaŭ.

Nasupierak svajoj naźvie — «kraina lodu» — i najaŭnaści lednikoŭ Iślandyja — daloka nie arktyčnaja kraina. Źmiahčajuć klimat ciopłyja vody akijanu, vułkany dy termalnyja vody. Ceły hod tam trymajecca nadvorje, charakternaje dla biełaruskaha kastryčnika.

U Iślandyi pražyvaje 300 tys. čałaviek na terytoryi u 103 tys. kv. km (pałova Biełarusi).

Kraina źjaŭlajecca respublikaj. Kiraŭnik dziaržavy (Ałafur Rahnar Hrymsan) i parlament (pa-iślandzku - altynh) abirajucca usieahulnym hałasavańniem, pryčym pravam hołasu vałodajuć usie hramadzianie krainy, mužčyny i žančyny viekam bolš za 18 hadoŭ, što pražyli ŭ krainie nia mienš za 5 hadoŭ da vybaraŭ.

Iślandyja nie ŭvachodzić u EZ. Pryčyna — kvota ŭ EZ na rybałoŭstva, hałoŭnuju halinu ekanomiki krainy.

Nasielnictva žyvie ŭ prastornych damach z dobra adładžanaj systemaj aciapleńnia, jakaja ličycca najlepšaj u krainie. U krainie amal niama biednych.

Pakolki amal usio (aproč enerhii) u krainu impartujecca, to ceny na žyllo i transpart vielmi vysokija, ale heta ŭ značnaj stupieni kampensujecca vysokimi dachodami nasielnictva i nizkim uzroŭniem inflacyi.

U krainie — vysokaja praciahłaść žyćcia: 76 hadoŭ dla mužčyn i 81 hod — dla žančyn i vielmi nizkaja dziciačaja śmiarotnaść (kala 5,3 na 1000 novanarodžanych).

Iślandcy źviartajucca adzin da druhoha tolki pa imieni. Adpaviedna va ŭsich telefonnych daviednikach ukazany imiony ŭ alfabetnym paradku. Pryčyna ŭ tym, što niamnohija ŭ Iślandyi majuć proźviščy. U dziaciej «imia pa baćku» pa imieni baćki z kančatkam ‑son (syn) dla chłopčykaŭ i ‑dottir (dačka) dla dziaŭčynak.

Tym bolš cikava, što niahledziačy na ŭsie dasiahnieńni vysokich technalohij, bolš za 80% iślandcaŭ vierać u elfaŭ, trolaŭ dy inšych kazačnych persanažaŭ. Navat siońnia apošniaj instancyjaj pry prajektavańni źjaŭlajucca nie architekturnyja i techničnyja ŭstanovy, a narodnyja vieravańni i apoviedy babulaŭ i dziadulaŭ pra miescy, dzie žyvuć tyja samyja elfy.

Kali mierkavanaja daroha moža parušyć spakoj miescaŭ pražyvańnia kazačnych persanažaŭ — prajekt adkidajecca.

Pavodle newsru.com

Клас
0
Панылы сорам
0
Ха-ха
0
Ого
0
Сумна
0
Абуральна
0