Milicyja, vajskoŭcy ŭnutranych vojskaŭ, miascovyja žychary praciahvajuć pošuk školnicy, jakaja źnikła ŭ Łahojskim rajonie.

Supracoŭniki orhanaŭ unutranych spraŭ, vajskoŭcy ŭnutranych vojskaŭ MUS Biełarusi, miascovyja žychary praciahvajuć pošuki vučanicy 2-ha kłasa Biełaručskaj siaredniaj škoły, jakaja źnikła 23 listapada ŭ Łahojskim rajonie Minskaj vobłaści. Pračesvajecca miascovaść, infarmacyja ab dziciaci pieradadziena va ŭsie padraździaleńni milicyi, na Biełaruskuju čyhunku. Pra heta BiełaPAN paviedamili ŭ adździele infarmacyi i hramadskich suviaziej UUS Minabłvykankama.

Siamihadovaja Iryna Kuželnaja 23 listapada prykładna ŭ 13.30 pajšła z domu, i dahetul jaje miescaznachodžańnie nieviadomaje. Jaje prykmiety: na vyhlad siem-vosiem hadoŭ, rost 130—135 sm, chudarlavaha ciełaskładu, vałasy śvietłyja. Była apranuta: čornaja šuba, čornaja viazanaja šapačka z aranžavym advarotam, sinija štany, fijaletavyja boty. Dzicia moža znachodzicca ŭ supravadžeńni nieznajomaha mužčyny.

Dziaŭčynka abjaŭlena ŭ respublikanski vyšuk, pa fakcie jaje źniknieńnia raspačata kryminalnaja sprava. Śledstva razhladaje niekalki viersij, u tym liku mahčymaść ździajśnieńnia ŭ dačynieńni da dziciaci złačynstva, DTZ. Nie vyklučajecca, što dziaŭčynka mahła i samastojna sieści na jaki-niebudź transpart i pajechać u nieznajomym napramku. Školnica razam z maci tolki ŭ hetym miesiacy pierajechali ŭ Łahojski rajon, dziaŭčynka drenna viedaje miascovaść.

BiełaPAN


Fota Iryny Kuželnaj. www.guvd.gov.by
Клас
0
Панылы сорам
0
Ха-ха
0
Ого
0
Сумна
0
Абуральна
0