Bajeviki adpuścili pałonnych, jakich ŭtrymlivali ŭ štabie Ihara Bieźlera («Biesa») ŭ Horłaŭcy.

Pra heta paviedamiła ŭ svaim Facebook žurnalistka Kaciaryna Sierhackova.

Paśla avijaŭdaru ukrainskich siłavikoŭ, «Bies», pavodle čutak, źbieh z Horłaŭki, a jahony namieśnik «Bocman», pryhraziŭ, što budzie rastrelvać zakładnikaŭ, jakich utrymlivali ŭ budynku milicyi, akurat pad kabinietam «Biesa», na pavierch nižej. Siarod zakładnikaŭ byŭ hramadzianin Šviecyi.

Pavodle žurnalistki, telefon adnaho z pałonnych Vasila Budzika dva dni byŭ niedastupny, jak i telefon pierahavorščyka z boku ŭkrainskich uładaŭ hienierała Uładzimira Rubana.

«Ja ŭžo pačała padazravać samy horšy scenar i pavoli padymać usich na vušy, jak raptam telefony Budzika i Rubana pračnulisia. Vasia ŭziaŭ trubku i radasnym hołasam paviedamiŭ, što jon na voli i akurat zaraz idzie da prezidenta», — paviedamiła žurnalistka.

«Padrabiaznaści raspavieści nie paśpieŭ, ale spadziajusia chutka raskaža. Uvohule, jak ja razumieju, minimum 17 pałonnych — aficery, sałdaty i niekalki cyvilnych — paśla dvuch miesiacaŭ źniavoleńnia apynulisia na voli», — dadała jana.

Paźniej infarmacyju ab vyzvaleńni 17 pałonnych paćvierdzili ŭ administracyi prezidenta Ukrainy.

«Siońnia my vyzvalili 17 zakładnikaŭ, siarod jakich ŭkrainskija vajennyja i adzin cyvilny zamiežnik. Ich trymali ŭ pałonie ŭ Horłaŭcy. Mahu skazać adno — Ukraina hanarycca mužnaściu, ź jakoj našyja chłopcy trymalisia ŭ pałonie. I my zrobim usio dla taho, kab vyzvalić i tych, chto jašče zastajecca ŭ bajavikoŭ», — takija słovy prezidenta Ukrainy Piatra Parašenka pracytavany na staroncy jaho administracyi ŭ Fejsbuku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?