Kastracyja piedafiłaŭ nie strymaje ich ad złačynstvaŭ, źviazanych z seksualnym hvałtam u dačynieńni da dziaciej. Takoje mierkavańnie vykazaŭ na pres-kanfierencyi 29 lipienia ŭ Minsku namieśnik načalnika ŭpraŭleńnia pa narkakantroli i supraćdziejańni handlu ludźmi Ministerstva ŭnutranych spraŭ Siarhiej Kołtun.

Pavodle jaho słoŭ, MUS vyvučaje vopyt inšych krain pa ŭkaranieńni praktyki kastracyi piedafiłaŭ.

«Ale sa svajho dośviedu mahu skazać: byŭ adzin vypadak, kali čałaviek byŭ impatentam ŭ fizičnym razumieńni, ale, tym nie mienš, ździejśniŭ złačynstva, źviazanaje z seksualnym hvałtam», — adznačyŭ Kołtun.

«Miedyki nas dzieści ŭ hetaj suviazi padtrymlivajuć i kažuć, što nie zaŭsiody fizičnaja abo chimičnaja kastracyja ŭtrymlivaje złačyncu ad praciahu hetaj złačynnaj dziejnaści», — dadaŭ pradstaŭnik MUS.

Jon nahadaŭ, što ŭ zaraz u parłamiencie razhladajucca prapanovy MUS ab uniasieńni źmianieńniaŭ u Kryminalny kodeks, jakija ŭzmacniajuć žorstkaść adkaznaść za piedafiliju.

Prapanujecca pavialičyć maksimalnaje pakarańnie za połavyja znosiny z asobaj, jakaja nie dasiahnuła 16 hadoŭ, ad piaci da 10 hadoŭ pazbaŭleńnia voli, a taksama ŭvieści kryminalnuju adkaznaść za zachoŭvańnie i kalekcyjanavańnie dziciačaj parnahrafii.

Vyvučajecca mižnarodny vopyt ab uviadzieńni adkaznaści za ŭstupleńnie darosłych u pierapisku z małaletnimi ŭ internecie ŭ seksualnych metach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?