Sud Leninskaha rajona Mahilova vynies abvinavaŭčy vyrak pa spravie ab karupcyi ŭ adnosinach da dziaržaŭnaha antykryzisnaha kiraŭnika, jaki pracavaŭ u abłasnym centry.

Jak paviedamiła aficyjny pradstaŭnik Śledčaha kamiteta Biełarusi Julija Hančarova, abvinavačany pryznany vinavatym u ździajśnieńni złačynstvaŭ, praduhledžanych č. 5 art. 16 i č. 2 art. 431 KK (padbuchtorvańnie da dačy chabaru), č. 1 art. 14 i č. 4 art. 209 KK (zamach na machlarstva ŭ asabliva bujnym pamiery), č. 1 art. 328 KK (niezakonny abarot narkatyčnych srodkaŭ) i asudžany na siam hadoŭ pazbaŭleńnia voli z kanfiskacyjaj majomaści.

Prysud u zakonnuju siłu pakul nie ŭstupiŭ.

Jak paviedamlałasia raniej, dziaržaŭny antykryzisny kiraŭnik vykarystaŭ atrymanuju infarmacyju ab chodzie pracedury likvidacyi jurydyčnaj asoby i mahčymych pravavych nastupstvach nievykanańnia zakona pry jaje praviadzieńni. Dalej jon paviedamiŭ zacikaŭlenym asobam, što pa vynikach pravierki moža być pryznanaja niesapraŭdnaj ździełka pa pieradačy častki majomaści likvidujemaj arhanizacyi va ŭłasnaść inšaj jurydyčnaj asoby. Nibyta dla vyrašeńnia pytańnia ab spynieńni hetaj pravierki padsudny schiliŭ da dačy chabaru ŭ sumie 100 tysiač dołaraŭ ZŠA na karyść słužbovych asobaŭ Mahiloŭskaha abłasnoha terytaryjalnaha adździeła pa sanacyi i bankructvie Ministerstva ekanomiki.

Kiraŭnik byŭ zatrymany supracoŭnikami KDB u Mahilovie paśla atrymańnia 30.000 dołaraŭ.

Padčas pieratrusaŭ u abvinavačanaha ŭ aŭtamabili i pa miescy žycharstva była vyjaŭlenaja marychuana.

Rasśledavańnie kryminalnaj spravy viało Hałoŭnaje ŭpraŭleńnie pa rasśledavańni złačynstvaŭ u śfiery arhanizavanaj złačynnaści i karupcyi SK Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?