Za apošni tydzień było zafiksavana try vypadki vandalizmu.

U sacsietkach 27 lipień źjaviłasia paviedamleńnie, što ŭ vioscy Čačevičy Bychaŭskaha rajona źnik fotaradar. Kamiera zatym była znojdziena spalenaj u lesie. U kampanii «Biaśpiečnyja darohi Biełarusi», pradstaŭniki jakoj zajmajucca ŭstalavańniem fotafiksataraŭ, paviedamlajuć, što śpiecyjalisty ŭžo vyjechali da miesca sapsavanaha abstalavańnia.

Heta nie adziny surjozny vypadak vandalizmu. Na dniach adnavili adzin prybor pa praśpiekcie Šmita, sarvany kimści sa słupa. Jašče adzin fotafiksatar z zafarbavanym abjektyvam byŭ zaŭvažany pa praśpiekcie Miru.

U arhanizacyi adznačajuć, što ŭ apošni čas kamiery psujuć usio čaściej i lidzirujuć pa kolkaści sapsavanych fotafiksataraŭ — Mahiloŭ i Mahiloŭskaja vobłaść.

Pradstaŭnik «Biaśpiečnych daroh Biełarusi» kaža, što vandałaŭ šukaje milicyja. U dapamohu pravaachoŭnikam — apošni zapis z prybora i čas prypynieńnia jaho pracy. Kali chulihany buduć znojdzienyja, jany mohuć być pryciahnutyja da administracyjnaj abo da kryminalnaj adkaznaści ŭ zaležnaści ad pamieru naniesienaj škody.

Košt adnoj kamiery — kala 25 tysiač jeŭra.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?